[20:54]
Sigríður A. Þórðardóttir :
Virðulegur forseti. Ég mæli fyrir brtt. á þskj. 426 við frv. til fjárlaga fyrir árið 1995, frá menntmn.
Menntmn. hefur fjallað um úthlutun heiðurslauna listamanna fyrir næsta ár. Nefndin leggur til að 17 listamenn njóti heiðurslauna á árinu 1995. Jafnframt gerir nefndin tillögur um að hver heiðurslaun hækki úr 875 þús. kr. í 900 þús. kr.
Af þeim 16 sem hlutu heiðurslaun í ár eru tveir látnir. Nefndin gerir tillögu um að Ásgerður Búadóttir, Helgi Skúlason og Stefán Hörður Grímsson bætist í hóp þeirra listamanna sem njóta heiðurslauna.
Menntmn. stendur einróma að þessari tillögu.