Ferill 427. máls. Aðrar útgáfur af skjalinu: Word Perfect.


1994–95. – 1064 ár frá stofnun Alþingis.
118. löggjafarþing. – 427 . mál.

698. Frumvarp til laga


um breytingu á lögum um Hitaveitu Suðurnesja, nr. 100/1974, með síðari breytingum.

(Lagt fyrir Alþingi á 118. löggjafarþingi 1994–95.)


1. gr.

    1. gr. laganna orðast svo:
    Ríkissjóður Íslands og fimm sveitarfélög á Suðurnesjum, sbr. 2. gr., eiga og reka fyrirtæki er nefnist Hitaveita Suðurnesja.
    Fyrirtækið er sjálfstæður réttaraðili og hefur sjálfstæðan fjárhag og reikningshald.
    Heimili þess og varnarþing er í Keflavík-Njarðvík-Höfnum.

2. gr.

    1. mgr. 2. gr. laganna orðast svo:
    Hitaveita Suðurnesja er sameignarfyrirtæki ríkisins og eftirtalinna sveitarfélaga sem eiga fyrirtækið í þessum hlutföllum:

    Ríkissjóður Íslands     20,00%
    Keflavík-Njarðvík-Hafnir     52,20%
    Grindavíkurkaupstaður     11,17%
    Sandgerðisbær            6,99%
    Gerðahreppur            6,07%
    Vatnsleysustrandarhreppur       3,57%

3. gr.

    Eftirfarandi breytingar verða á 7. gr. laganna:
     a .     3. málsl. verður að 4. málsl. og orðast svo: Önnur sveitarfélög, sem aðilar eru að fyrirtækinu, skipa hvert einn fulltrúa í stjórnina og einn til vara.
     b .     Við greinina bætist nýr málsliður er verður 3. málsl. og orðast svo: Keflavík-Njarðvík-Hafnir skipa þrjá fulltrúa í stjórnina og þrjá til vara.

4. gr.

    Í 11. gr. laganna kemur: fjögurra þeirra, í staðinn fyrir „fimm þeirra“.

5. gr.

    13. gr. laganna fellur niður.

6. gr.

    Lög þessi taka þegar gildi.

Athugasemdir við lagafrumvarp þetta.

    Í ljósi þess að Keflavík, Njarðvík og Hafnarhreppur hafa verið sameinuð í eitt sveit arfélag er nauðsynlegt að gera breytingar á lögum um Hitaveitu Suðurnesja. Í frum varpinu er því lagt til að upptalning laganna á eignaraðilum og eignarhlutföllum þeirra taki mið af hinu sameinaða sveitarfélagi. Jafnframt er gert ráð fyrir því að hið samein aða sveitarfélag eigi þrjá fulltrúa í stjórn Hitaveitu Suðurnesja og þrjá til vara.
    Í 11. gr. laganna er kveðið svo á um að stjórn Hitaveitu Suðurnesja geti ekki skuld bundið eignaraðila nema að fengnu samþykki a.m.k. fimm þeirra. Þar sem eignaraðilum hefur fækkað er því lagt til að nægjanlegt sé að samþykki fjögurra þeirra sé leitað.
    Þar sem heimild 13. gr. laganna um stækkun raforkuvers í Svartsengi hefur verið full nýtt þykir rétt að fella greinina niður í heild.