[prenta uppsett í dálka] 104. fundur
Félagsmálaráðherra (Páll Pétursson) (andsvar):
Herra forseti. Meiningin er auðvitað að reyna að forða fólki frá því að lenda í hakkavélinni. Til þess erum við nú að þessu. Greiðsluerfiðleikaleiðina athuguðum við mjög gaumgæfilega. Hún hefur ýmsa kosti en það eru líka ákveðnir ókostir á henni. Það þarf nefnilega tvo til að fara í greiðsluerfiðleika. Það þarf að fá lánardrottin til að samþykkja. Lánardrottinn getur komið í veg fyrir að farið yrði í greiðsluerfiðleikameðferð. Nauðasamningaleiðin hefur gefist vel í æðimörgum fyrirtækjum. Hins vegar hafa einstaklingar ekki getað nýtt sér hana. Ég held að mjög mörg fyrirtæki séu nú starfandi vegna þess að þau hafa gengið í gegnum nauðasamninga. Við skulum því ekkert fúlsa við þeirri leið heldur.
