Frsm. meiri hluta menntmn. (Sigríður A. Þórðardóttir) (andsvar):
Virðulegi forseti. Ég er algerlega ósammála hv. síðasta ræðumanni hvað þessi atriði varðar. Ég tel að jafnrétti til náms sé mjög vel tryggt í þessu frv. Mér þótti ræðumaður nota í framsögu sinni áðan ákaflega stór orð þegar hann talaði um ómannúðlega menntastefnu. Ég þykist hafa fært fyrir því gild rök að þvert á móti sé hér einmitt um mjög mannúðlega menntastefnu að ræða sem tekur fullt tillit til þeirra sem minna mega sín.