Heilbrigðisráðherra (Ingibjörg Pálmadóttir):
Virðulegi forseti. Ég vil þakka hv. þm. Svavari Gestssyni fyrir það að vera tilbúinn til að taka þetta málefni hér á dagskrá því það var akkúrat í samkomulagi við hann, fyrir einum sex til sjö dögum síðan, sem þetta mál var stoppað. Það var á dagskránni en hv. þm. hafði þá samið um að það yrði ekki tekið á dagskrá. Ég var komin hér til að mæla fyrir því. Ég þakka honum því sérstaklega fyrir það og ég vona að samstaða sé um það meðal annarra hér að taka þetta málefni á dagskrá.