[prenta uppsett í dálka] 160. fundur
Kristinn H. Gunnarsson:
Virðulegi forseti. Sú breytingartillaga sem hér er verið að greiða atkvæði um er á þann veg að fella úr núgildandi lögum ákvæði um dagsetningu þar sem kveður svo á að eftir hana er ekki hægt að breyta ákvörðunum um leyfilegan heildarafla á botnfiskum á yfirstandandi fiskveiðiári. Sú brtt., sem meiri hlutinn flytur, er efnislega samhljóða tillögu sem við alþýðubandalagsmenn höfum flutt í sérstöku þingskjali í öðru frv. og munum því að sjálfsögðu styðja þessa tillögu.
