Forseti (Ólafur G. Einarsson):
Áður en umræða hefst vill forseti minna á reglurnar sem gilda um þessar umræður. Fyrirspyrjandi má tala þrisvar, tvær mínútur í fyrsta sinn en eina mínútu í annað og þriðja sinn. Ráðherra hefur sama rétt til svara, fyrst tvær mínútur, síðan í eina mínútu í annað og þriðja sinn.
Til að hafa betri stjórn á þessari umræðu hefur forsn. ákveðið í samráði við formenn þingflokka að fyrirspyrjendur komi sér á mælendaskrá skriflega með lítilli nótu sem þeir koma til forseta í byrjun fundar.
Ráðherrar eru allir viðstaddir, eða áttu að vera, og munu koma í salinn, nema hæstv. heilbrrh. sem hefur fjarvistarleyfi.