[16:23]
Guðný Guðbjörnsdóttir (andsvar):
Virðulegi forseti. Ég er sammála hv. þm. að kannski væri það mögulegur kostur að banna háskólanum að taka þessi gjöld. En á móti kæmi þá að það er ekki tryggt að mínu mati að háskólinn fengi þær tekjur á móti. Og ég held að háskólinn sé það sveltur núna í fjárveitingum að það megi ekki verða meiri skerðing. Þess vegna var þetta skásti kosturinn í stöðunni en auðvitað þarf Háskóli Íslands stórauknar fjárveitingar.