[10:22]
Svavar Gestsson:
Virðulegi forseti. Það hefur ekki vakið nægilega mikla athygli að í þessu frv. eru tillögur um að skerða varanlega tekjustofna fjögurra mjög mikilvægra menningarstofnana.
Það er í fyrsta lagi Listskreytingasjóður sem hér kemur til atkvæða.
Í öðru lagi Kvikmyndasjóður.
Í þriðja lagi tekjustofn Ríkisútvarpsins sem útvarpið hefur að vísu ekki séð mikið af á undanförnum árum en það kemur ekkert í staðinn. Engin tillaga um neitt annað í staðinn.
Í fjórða lagi veigamikil brtt. við þjóðminjalögin sem snertir húsafriðunarsjóð.
Það er nauðsynlegt að vekja rækilega athygli á því, hæstv. forseti, strax við þessa atkvæðagreiðslu að í þessum fjórum tillögum felst mjög alvarleg atlaga að menningarstarfsemi í landinu sem óhjákvæmilegt er að ræða í öðru samhengi og betra tómi en hér gefst.