Ferill 225. máls. Aðrar útgáfur af skjalinu: Word Perfect.
1995. – 1065 ár frá stofnun Alþingis.
120. löggjafarþing. –
225
. mál.
438. Breytingartillögur
við frv. til l. um ráðstafanir í ríkisfjármálum á árinu 1996.
Frá meiri hluta efnahags- og viðskiptanefndar (VE, GMS, SP, VS, PHB, EOK).
Við 21. gr. Greinin falli brott.
Við 30. gr. (er verði 29. gr.). Í stað tölunnar „70“ í niðurlagi efnismálsgreinar komi: 50.
Á eftir 30. gr. (er verði 29. gr.) komi ný grein er orðist svo:
Í stað hlutfallstölunnar „25%“ í 2. málsl. 2. mgr. 11. gr. laganna kemur: 35%.
Á eftir 34. gr. komi ný grein er orðist svo:
Við 49. gr. laganna bætist ný málsgrein sem orðast svo:
Ef reiknaðar bætur einstaklings samkvæmt lögum þessum auk bóta samkvæmt lögum um félagslega aðstoð, nr. 118/1993, sbr. 13. gr. þeirra laga, nema 600 kr. á mánuði eða minna skulu þær falla niður. Þetta nær þó ekki til sjúkrahjálpar samkvæmt III. og IV. kafla laga þessara og endurgreiðslu skv. 12. gr. laga um félagslega aðstoð.
Við 47. gr. (er verði 48. gr.). Greinin orðist svo:
Við 1. mgr. 21. gr. laganna bætist nýr málsliður er orðist svo: Skipunartími fulltrúa ráðherra skal þó takmarkaður við embættistíma þess ráðherra sem skipaði hann.
Við 48. gr. (er verði 49. gr.). Eftirfarandi breytingar verði á greininni:
Við efnismálsgrein bætist nýr stafliður er verði a-liður og orðist svo: Í stað 2. málsl. 1. mgr. koma tveir nýir málsliðir sem orðast svo: Nefndin skal skipuð þannig að starfsmannaráð ríkisspítala tilnefnir tvo menn, Alþingi fjóra og ráðherra skipar einn án tilnefningar og skal hann vera formaður. Varamenn skulu skipaðir á sama hátt.
B-liður orðist svo: Við 3. mgr. bætist nýr málsliður er orðast svo: Skipunartími fulltrúa ráðherra skal takmarkaður við embættistíma þess ráðherra sem skipaði hann.
Við 55. gr. (er verði 56. gr.). Við efnismálslið bætist: samkvæmt flugmálaáætlun.
