Ferill 76. máls. Aðrar útgáfur af skjalinu: Word Perfect.
1995–96. – 1065 ár frá stofnun Alþingis.
120. löggjafarþing. – 76 . mál.
1134. Nefndarálit
um till. til þál. um rannsóknir í ferðaþjónustu.
Frá samgöngunefnd.
Nefndin hefur fjallað um málið og fengið á fund til sín Magnús Oddsson ferðamálastjóra og Ármann Kr. Ólafsson, aðstoðarmann samgönguráðherra.
Nefndin fékk sendar umsagnir um tillöguna frá Sambandi veitinga- og gistihúsa, Ferðamálasamtökum Vestfjarða, Ferðamálasamtökum Suðurlands, umhverfisráðuneyti, Félagi íslenskra ferðaskrifstofa, Ferðamálaráði Íslands, Bændasamtökum Íslands, Háskólanum á Akureyri og Ferðamálasamtökum höfuðborgarsvæðisins.
Meginefni þessarar tillögu er að stuðla að eflingu rannsókna í ferðaþjónustu, tryggja grundvöll stefnumótunar og langtímaáætlana í atvinnugreininni og stuðla að jafnvægi í fjárfestingu og að gripið verði til ráðstafana í þessu sambandi. Bent hefur verið á að íslensk ferðaþjónusta hefur ekki notið sömu stöðu til rannsókna, þróunarstarfa og stefnumótunar og aðrar mikilvægar atvinnugreinar. Greinin styðst ekki við rannsóknastofnanir sem hafa sérhæfðu hlutverki að gegna á þessu sviði.
Í nýútkominni skýrslu samgönguráðuneytisins um stefnumótun í ferðaþjónustu er m.a. fjallað um menntun og rannsóknir. Þar er talið að bjóða eigi upp á menntun í ferðaþjónustu á háskólastigi og að menntun og starfsþjálfun í ferðaþjónustu verði einnig í boði á öðrum skólastigum. Þá er samkvæmt skýrslunni stefnt að því að rannsóknastarfsemi á sviði ferðamála verði efld þannig að hún verði í fullu samræmi við þarfir atvinnugreinarinnar og styðji við stefnumótun, markaðsstarf, vöruþróun og gæðaeftirlit í atvinnugreininni.
Í tillögunni er lagt til að gagnamiðstöð verði stofnuð við skrifstofu Ferðamálaráðs Íslands á Akureyri og að rannsóknarfulltrúi starfi þar. Skrifstofan á Akureyri sér í dag um upplýsingaöflun og útgáfu, umhverfismál, markaðsráðgjöf innan lands og öll samskipti við innlenda ferðaþjónustuaðila. Í gagnagrunni skrifstofunnar er m.a. að finna upplýsingar um alla ferðaþjónustu á Íslandi. Þá hefur Háskólinn á Akureyri lýst áhuga á að setja á stofn rannsóknadeild ferðamála innan Rannsóknastofnunar Háskólans á Akureyri. Þá er lagt til að stofnaður verði sérstakur rannsóknasjóður við Ferðamálaráð Íslands. Nefndin telur ekki þörf á að koma á sérstökum rannsóknasjóði og telur eðlilegt að rannsóknir verði fjármagnaðar með öðrum hætti. Nefndin leggur því til að tillagan verði samþykkt með eftirfarandi
BREYTINGU:
Alþingi, 31. maí 1996.
Einar K. Guðfinnsson,
Magnús Stefánsson.
Kristján Pálsson.
form., frsm.
Stefán Guðmundsson.
Egill Jónsson.
Árni Johnsen.
Gísli S. Einarsson.
Ragnar Arnalds.
Ásta R. Jóhannesdóttir,
með fyrirvara.
