[prenta uppsett í dálka] 8. fundur
Kristinn H. Gunnarsson (andsvar):
Herra forseti. Mér sýnast nú sjónarmiðin færast heldur saman fremur en sundur. Hv. þm. hefur tekið undir að óréttlæti sé fólgið í því að útgerðarmenn geti leigt árlega frá sér veiðiheimildir án þess að veiða þær. Um það erum við sammála þannig að ég vænti þess að þingmaðurinn sé sammála mér og fleirum um það að ráðið til að bregðast við þessu óréttlæti sé að banna framsalið en ekki að í stað þess að útgerðarmaðurinn fá 90 kr. í vasann fái ríkið tíkall, útgerðarmaðurinn 80 kr. Það tel ég ekki vera ráð til að bæta úr óréttlætinu. Ég vænti þess að hv. þm. Svanfríður Jónasdóttir sé sammála mér um það að leiðin til að bregðast við þessu óréttlæti sé að banna leiguframsal á kvóta.
