[prenta uppsett í dálka] 32. fundur
Dómsmálaráðherra (Þorsteinn Pálsson):
Herra forseti. Ég átta mig ekki alveg á því hvert hv. þm. er að fara með þessari orðræðu því það liggur í augum uppi, og hv. þm. viðurkennir það í síðari ræðu sinni, að það er ekki á verksviði dómsmrn. að hafa milligöngu um höfðun einkamáls. Það er ekki á verksviði dómsmrn. að fara með ákæruvaldið og þegar það liggur fyrir í síðari ræðu hv. þm. að hann viðurkennir þekkingu sína á þessum grundvallaratriðum þá skil ég ekki hvers vegna hann er að halda málinu að dómsmrn.
