Ferill 548. máls. Aðrar útgáfur af skjalinu: Word Perfect.
1996–97. – 1066 ár frá stofnun Alþingis.
121. löggjafarþing. – 548 . mál.
902. Beiðni um skýrslu
frá forsætisráðherra um framkvæmd björgunar- og hreinsunarstarfa vegna strands Víkartinds og um ábyrgð allra málsaðila.
Frá Margréti Frímannsdóttur, Bryndísi Hlöðversdóttur, Hjörleifi Guttormssyni,
Kristni H. Gunnarssyni, Ragnari Arnalds, Sigríði Jóhannsdóttur,
Steingrími J. Sigfússyni, Svavari Gestssyni, Ögmundi Jónassyni.
Í skýrslunni komi fram yfirlit yfir aðdraganda slyssins og björgunaraðgerðir, ákvarðanatöku og aðgerðir á slysstað hvað varðar hreinsun og mengunarhættu, hver beri ábyrgð á einstökum þáttum er lúta að björgunar- og hreinsunarstörfum, t.d. hvað varðar tímasetningu á beiðni um aðstoð Landhelgisgæslunnar, hvað varðar ábyrgð á skipsfarmi, mengunarhættu og þess hluta farmsins sem rekur á land og tjóni eigenda farmsins. Þá verði í skýrslunni greindir ábyrgðarþættir ráðuneyta og einstakra stofnana á þeirra vegum. Loks komi fram í skýrslunni mat forsætisráðherra á nauðsynlegum úrbótum á lögum, stjórnsýslu og öðrum þáttum sem æskilegt kann að vera að breyta til að land og þjóð geti betur tekist á við hliðstæð áföll framvegis.
