Ferill 586. máls. Aðrar útgáfur af skjalinu: Word Perfect.

---

1996–97. – 1066 ár frá stofnun Alþingis.
121. löggjafarþing. – 586 . mál.

1005. Fyrirspurn

til forsætisráðherra um samræmingu á starfsemi og framkvæmdum ríkisins.

Frá Kristni H. Gunnarssyni.

    Hvað líður því að framfylgja þeirri samþykkt Alþingis um stefnumótandi byggðaáætlun að starfsemi og framkvæmdir ríkisins verði samræmdar og með því reynt að forðast tilviljunarkenndar ákvarðanir?
    Hvað líður:
    samræmingu langtímamarkmiða ráðuneyta og stofnana ríkisins,
    gerð fjögurra ára áætlana um hvern þjónustumálaflokk sem verði grundvöllur fjárlagagerðar til lengri tíma,
    skipan nefndar til að endurskoða lagaákvæði um áætlanagerð á vegum ríkisins í þeim tilgangi að vinnubrögð verði markvissari og fjármunir nýtist betur?