Forseti (Ólafur G. Einarsson):
Forseta er kunnugt um að einn hv. þm. vill gera athugasemd um störf þingsins eins og heimilt er í upphafi þingfundar samkvæmt þingsköpum. Forseta þykir hins vegar óheppilegt að slíkt sé gert áður en teknar eru fyrir óundirbúnar fyrirspurnir til ráðherra en það er fyrsta mál á dagskrá fundarins. Forseti spyr hvort því verði andmælt að athugasemd verði gerð að loknum fyrsta dagskrárlið. --- Svo er ekki. Það verður þá heimilað.