[prenta uppsett í dálka] 114. fundur, 122. lþ.
Hjörleifur Guttormsson (andsvar):
Virðulegur forseti. Hér er að sjálfsögðu verkefni fyrir Orðabók Háskólans að fara ofan í og rekja sporin. En varðandi textaskýringuna á brautryðjandanum, já sporgöngumanninum í málskilningi hv. þm., þá kemur mér helst í hug, í sambandi við svör hins umtalaða sporgöngumanns varðandi málið og spurninguna ,,hver á Ísland?``, sú niðurstaða sem þingmaðurinn og fyrrverandi ráðherra ruddi brautina fyrir, sem aðaldráttarklár í að koma Íslandi inn í hið Evrópóska efnahagssvæði. Þar var niðurstaðan sú að gera rétt útlendinga, úr allri Vestur-Evrópu að heita má, að frádregnu Sviss, hinn sama og Íslendinga, varðandi möguleika til að eignast hér land til einkaeignar og nytja landsins gæði.
