[prenta uppsett í dálka] 38. fundur
Sturla Böðvarsson (andsvar):
Herra forseti. Hv. 12. þm. Reykv. gat þess réttilega að gert er ráð fyrir töluvert auknum útgjöldum til tryggingamála. En ég var einungis að vekja athygli á útgjöldum til sjúkrahúsanna í Reykjavík í ræðu minni. Þar kom fram sú staðreynd að þar hefur ekki verið um niðurskurð að ræða heldur aukin raunútgjöld á tímabilinu 1990--1996. En vissulega hafa útgjöld tryggingakerfisins verið að aukast og það þekkjum við mjög vel af umfjöllun um fjárlög þessa árs, næsta árs og fyrri ára.
