Ferill 91. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 91 – 91. mál.
Fyrirspurn
til fjármálaráðherra um réttindi og greiðslur í fæðingarorlofi.
Frá Kristni H. Gunnarssyni.
1. Hvaða reglur — samkvæmt lögum, reglugerðum og kjarasamningum — gilda um launagreiðslur, lífeyrisgreiðslur, starfsaldurshækkanir og aðra réttindaávinnslu, lengd orlofs, rétt feðra og annað sem máli skiptir í fæðingarorlofi, hjá
a. ríki,
b. sveitarfélögum,
c. bönkum,
d. öðrum?
2. Hvað voru greiðslurnar háar á síðasta ári vegna starfa hjá
a. hinu opinbera,
b. bönkum,
c. öðrum?
3. Hve margar fæðingar var um að ræða og hver er áætlaður launatengdur kostnaður að meðaltali í hverju tilviki? Hver var heildarkostnaðurinn á hvert fæðingarorlof að meðaltali, annars vegar útlagður kostnaður og hins vegar að meðtöldum tengdum kostnaði?
4. Hve mikill mundi kostnaðurinn á ári verða ef réttindi yrðu samræmd þannig að allir nytu bestu réttinda?
Skriflegt svar óskast.
