Ferill 67. máls. Aðrar útgáfur af skjalinu: Word Perfect.

---

122. löggjafarþing 1997–98.
Þskj. 186 – 67. mál.

Svar

dómsmálaráðherra við fyrirspurn Hjörleifs Guttormssonar um framhald Schengen-málsins.

1.      Verður samstarfssamningur um þátttöku Íslands í Schengen-samstarfinu, sem undirritaður var 19. desember 1996 af Íslandi og aðildarríkjum Schengen-samningsins, lagður fyr ir Alþingi til staðfestingar?
2.      Hvernig hyggst ríkisstjórnin bregðast við innlimun efnisþátta Schengen-samningsins í réttarreglur Evrópusambandsins samkvæmt Amsterdam-sáttmálanum frá 17. júní 1997?
    Í Amsterdam-sáttmálanum eru ákvæði um að efnisatriði Schengen-samstarfsins verði inn limuð í réttarreglur Evrópusamsambandsins. Í sáttmálanum er einnig ákvæði sem gerir ráð fyrir áframhaldandi þátttöku Íslands og Noregs í Schengen-samstarfinu. Ísland og Noregur stefna að því að gera samning við Evrópusambandið sem felur í sér að ESB yfirtaki skuldbind ingar Schengen-ríkjanna samkvæmt samstarfssamningnum frá 19. desember 1996. Stefnt að því að leggja báða samningana fyrir Alþingi.

3.      Telur ráðherra líklegt, með vísan til þeirra breytinga sem urðu á stöðu Schengen-samningsins með Amsterdam-sáttmálanum þar sem m.a. Evrópudómstólnum er ætluð lögsaga, að unnt sé að finna lausn á samstarfsaðild Íslands, sérstaklega dómstólaþættinum, sem samræmist íslensku stjórnarskránni og ásættanleg verði fyrir Evrópusambandið?
    Ekkert hefur komið fram sem bendir til að ekki verði unnt að finna viðunandi lausn á þeim atriðum sem leiðir af breytingum á stöðu Schengen-samstarfsins, þar með talið dómstólaþætt inum.

4.      Hefur staða Schengen-málsins í Noregi að loknum stórþingskosningum áhrif á afstöðu og aðgerðir íslenskra stjórnvalda? Ef svo er, þá hvernig?
    Ekki er hægt að skilja á annan veg stjórnarsáttmála ríkisstjórnar Noregs en að engar breyt ingar verði á stefnu stjórnvalda þar sem þingmeirihluti er fyrir Schengen-samstarfinu.

5.      Hefur væntanleg þjóðaratkvæðagreiðsla í Danmörku um Amsterdam-sáttmálann í mars 1998 áhrif á málsmeðferð af Íslands hálfu?
    Fyrir fram verður ekki séð hvaða áhrif þjóðaratkvæðagreiðsla í Danmörku kann að hafa. Aftur á móti er ekki ástæða á þessu stigi til að láta þá atkvæðagreiðslu hafa áhrif á undirbún ing Schengen-samstarfsins og málsmeðferð af Íslands hálfu.

6.      Hvaða áhrif hefur núverandi staða Schengen-málsins á framkvæmdaáform vegna stækkunar flugstöðvar á Keflavíkurflugvelli?
    Að því er stefnt að Norðurlöndin framkvæmi ákvæði Schengen-sáttmálans á árinu 2000. Fyrir þann tíma þarf að vera búið að breyta flugstöðinni á Keflavíkurflugvelli þannig að unnt verði að skilja að farþega sem ferðast innan svæðisins og utan þess.

7.      Hefur verið lokið við þýðingu gagna er varða Schengen-samninginn á íslensku, m.a. á viðaukum, reglugerðum og handbókum? Hvenær verða þessi gögn aðgengileg alþingis mönnum og hvenær mun ráðherra leggja þau fram á Alþingi til kynningar?
    Unnið er að þýðingu framangreindra gagna og er hún langt komin. Ekki hefur verið tekin ákvörðun um hvenær þau verði lögð fram á Alþingi.