Ferill 287. máls. Aðrar útgáfur af skjalinu: Word Perfect.



122. löggjafarþing 1997–98.
Þskj. 358 – 287. mál.


Frumvarp til laga



um sameiningu Kjalarneshrepps og Reykjavíkurborgar.

(Lagt fyrir Alþingi á 122. löggjafarþingi 1997–98.)



1. gr.

    Sveitarfélögin Kjalarneshreppur í Kjósarsýslu og Reykjavíkurborg skulu sameinuð.

2. gr.

    Lög þessi öðlast þegar gildi og hafa ekki áhrif á skipan kjördæma við alþingiskosningar.

Athugasemdir við lagafrumvarp þetta.


    Hinn 21. júní 1997 fóru fram atkvæðagreiðslur í Kjalarneshreppi og Reykjavíkurborg um tillögu um sameiningu þessara sveitarfélaga. Var tillagan samþykkt í báðum sveitarfélögun um. Í framhaldi af því hafa hreppsnefnd Kjalarneshrepps og borgarstjórn Reykjavíkurborgar tekið ákvarðanir um fjárhagsmálefni sveitarfélaganna o.fl., sbr. 2. mgr. 109. gr. sveitarstjórn arlaga, nr. 8/1986.
    Kjalarneshreppur er í Kjósarsýslu og skv. 31. stjórnarskrárinnar er Kjósarsýsla í Reykja neskjördæmi. Í 110. gr. sveitarstjórnarlaga segir að sameining sveitarfélaga yfir mörk kjör dæma verði ekki ákveðin nema með lögum. Með vísan til þessa er frumvarp þetta lagt fram.
    Skipting kjördæma er eins og áður segir ákveðin í 31. gr. stjórnarskrárinnar og er þar um tiltekna landfræðilega afmörkun að ræða. Sú afmörkun er ekki að neinu leyti tengd skiptingu landsins í sveitarfélög og getur sameining sveitarfélaga yfir kjördæmamörk því ekki ein og sér leitt til breytinga á kjördæmamörkum. Því er talið rétt að taka skýrt fram að frumvarp þetta, ef það verður að lögum, hafi ekki áhrif á skipan kjördæma við alþingiskosningar. Hugsanlegar breytingar á kjördæmamörkum verði hins vegar skoðaðar heildstætt.
    Verði frumvarp þetta að lögum mun félagsmálaráðuneytið í samræmi við 112. gr. sveitarstjórnarlaga staðfesta sameiningu Kjalarneshrepps og Reykjavíkurborgar og gefa út tilkynningu um sameininguna þar sem fram komi meðal annars heiti sveitarfélagsins, fjöldi fulltrúa í nýrri sveitarstjórn, gildistaka sameiningar o.fl.


Fylgiskjal.

Fjármálaráðuneyti,
fjárlagaskrifstofa:

Umsögn um frumvarp til laga um sameiningu
Kjalarneshrepps og Reykjavíkurborgar.

    Í frumvarpinu er lagt til að sveitarfélögin Kjalarneshreppur í Kjósarsýslu og Reykjavíkurborg verði sameinuð, en sameining sveitarfélaga yfir mörk kjördæma verður að ákveða með lögum.
    Ekki verður séð að frumvarpið hafi í för með sér útgjaldaauka fyrir ríkissjóð.