Ferill 460. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 790 – 460. mál.
Fyrirspurn
til heilbrigðis- og tryggingamálaráðherra um fóstureyðingar.
Frá Ísólfi Gylfa Pálmasyni.
1. Hve margar fóstureyðingar hafa verið framkvæmdar hér á landi á hverju ári, síðastliðin fimm ár?
2. Hve margar þeirra voru á grundvelli félagslegra ástæðna, sbr. 1. tölul. 9. gr. laga nr. 25/1975?
3. Hve mörgum konum var á þessum árum synjað um fóstureyðingu sem þær sóttu um á grundvelli félagslegra ástæðna?
4. Hve margar konur hættu við að gangast undir fóstureyðingu sem þær sóttu um á grundvelli félagslegra ástæðna?
5. Hve margar konur gengust undir fleiri en eina fóstureyðingu á tímabilinu?
6. Hvernig er aldursdreifing þeirra kvenna sem gengust undir fóstureyðingu?
Skriflegt svar óskast.
