Ferill 494. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 843 – 494. mál.
Fyrirspurn
til dómsmálaráðherra um ráðningu fíkniefnalögreglumanna.
Frá Guðmundi Árna Stefánssyni.
1. Hver er reynslan af þeirri ákvörðun ríkisstjórnarinnar á síðasta ári að ráða sex nýja fíkniefnalögreglumenn til starfa í Reykjavík (þrjá starfsmenn) og á Eskifirði, Ísafirði og Akureyri (einn á hverjum stað)?
2. Hvenær voru þessir lögreglumenn ráðnir og hvert er starfssvið þeirra og starfsumhverfi, þar á meðal lögsaga þeirra?
3. Hver er árangurinn af þeirri stefnumótun að styrkja baráttuna gegn fíkniefnavandanum úti á landsbyggðinni með ráðningu sérstakra starfsmanna á þessum þremur svæðum?
4. Var 35 millj. kr. fjárveiting, sem sérgreind var til aukinnar löggæslu vegna fíkniefnamála, nýtt til fulls, og hvernig var henni varið?
