Ferill 645. máls. Aðrar útgáfur af skjalinu: Word Perfect.



122. löggjafarþing 1997–98.
Þskj. 1118 – 645. mál.




Frumvarp til laga



um breytingu á lögum um ráðstafanir til jöfnunar á námskostnaði, nr. 23/1989.


Flm.: Svanfríður Jónasdóttir.



1.      gr.

    Síðari málsliður 2. gr. laganna orðast svo: Réttur til styrks fellur niður ef nemandi nýtir rétt sinn til töku námsláns.

2.      gr.

    Lög þessi öðlast gildi 1. ágúst 1998.


Greinargerð.


    Lög um framhaldsskóla taka til alls skólastarfs á því skólastigi sem tekur við af skyldu námsstigi og allt til háskólastigs. Þessir skólar eru: fjölbrautaskólar, iðn- og verkmennta skólar og menntaskólar, svo og skólar sem veita sérhæft nám á framhaldsskólastigi.
    Réttur nemenda til námsstuðnings í formi styrkja eða námslána er hins vegar mjög misjafn á þessu skólastigi. Þannig eiga nemendur sem stunda svokallað sérnám rétt á námsláni en geta ekki fengið svokallaðan dreifbýlisstyrk. Þeir nemendur sem stunda bóknám á framhalds skólastigi eiga hins vegar ekki rétt á námslánum en geta eftir atvikum fengið dreifbýlisstyrk. Þannig getur það gerst að nemendur hvor á sinni braut í sama skóla eigi gjörólíkan rétt þótt aðstæður séu að öðru leyti hinar sömu.
    Vegna eðlis sérnámsins, m.a. þess að fólk er gjarna eldra þegar það hefur slíkt nám, er eðlilegt að nemendur í slíku námi eigi rétt á námsláni. Það er jafnframt ljóst að hluti nemenda vildi gjarnan eiga kost á dreifbýlisstyrk á framhaldsskólaárunum og geta þannig átt óskertan rétt til námsláns síðar. Því þykir fara betur á því að snúa þessum réttindum við, þ.e. að allir sérnámsnemar sem að öðru leyti uppfylla skilyrði eigi rétt til dreifbýlisstyrk, nema þeir sem kjósa að taka námslán.
    Í 1. gr. frumvarpsins er lagt til að það ákvæði falli brott sem kveður á um að framhalds skólanemendur eigi einungis kost á námsláni en ekki námsstyrk ef þeir stunda sérnám á fram haldsskólastigi samkvæmt skilgreiningu stjórnar Lánasjóðs íslenskra námsmanna. Þess í stað verði það val þessara nemenda hvort þeir taka námslán eða þiggja námsstyrk.
    Lagt er til að lögin taki gildi með nýju skólaári, 1998–99.