Ferill 664. máls. Aðrar útgáfur af skjalinu: Word Perfect.



122. löggjafarþing 1997–98.
Þskj. 1142 – 664. mál.


Fyrirspurn



til utanríkisráðherra um aðild að alþjóðastofnunum og alþjóðasamningum frá síðustu árum.

Frá Svavari Gestssyni.



     1.      Hvað á Ísland aðild að mörgum alþjóðlegum og fjölþjóðlegum stofnunum og samtökum? Hve margar stofnanir og samtök hafa bæst við eftir að utanríkisráðherra svaraði fyrir spurn um sama efni á 118. löggjafarþingi (í febrúar 1995), hverjar eru þær stofnanir eða samtök og hvenær varð Ísland aðili að þeim?
     2.      Hvað á Ísland aðild að mörgum fjölþjóðlegum samningum og tvíhliða samningum? Hve margir slíkir samningar hafa bæst við síðan á 118. löggjafarþingi, hverjir eru þeir og hvenær varð Ísland aðili að hverjum samningi fyrir sig?
     3.      Hve margir slíkir samningar hafa verið staðfestir, hve margir undirritaðir og hve margir undirritaðir en ekki staðfestir síðan á 118. löggjafarþingi?


Skriflegt svar óskast.

Greinargerð.

    Á 118. löggjafarþingi bar fyrirspyrjandi fram sams konar fyrirspurn um alla alþjóðasamn inga og alþjóðastofnanir sem Ísland hafði staðfest eða undirritað aðild að. Þessi fyrirspurn er flutt sem framhald þeirrar fyrri þannig að Alþingi hafi glöggt yfirlit yfir þessi mál í heild.