[prenta uppsett í dálka] 85. fundur, 123. lþ.
Sighvatur Björgvinsson:
Herra forseti. Ég er mjög ósáttur við þessa breytingu. Þessi breyting mun hafa það í för með sér að íslenskum skattborgurum verður bönnuð umferð um land sem þeir leggja sjálfir fé í að rækta upp, land í einkaeigu sem þeir hafa sjálfir verið að rækta upp. Ég held, virðulegi forseti, að jafnvel ákvæði sem heimilar mönnum að ganga á skautum um óræktað land vegi ekki á móti þessu.
