[prenta uppsett í dálka] 42. fundur, 123. lþ.
Tómas Ingi Olrich (andsvar):
Herra forseti. Hv. þm. lét sér detta í hug að sá sem hér stendur kynni ekki að lesa. Ekki dettur mér í hug að halda því fram að hv. þm. Ágúst Einarsson kunni ekki að lesa. En hann kýs ekki að lesa niðurlag bréfsins. Þar koma fram skilyrðin sem ég minntist á sérstaklega. Meiningin er að tryggja íslenskum vísindamönnum aðgang að þessum grunni og ég veit að í úrvinnslu málsins eftir samþykkt frv. verður auðvelt að taka upp samræður við Rannís og benda þeim á hvernig þetta verður gert. Rannsóknaráð Íslands mun vissulega fylgja þessu máli eins og það verður búið í kjölfar samþykktar frv.
