Ferill 159. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 159 — 159. mál.
Fyrirspurn
til sjávarútvegsráðherra um áhrif af afnámi línutvöföldunar.
Frá Hjálmari Árnasyni.
1. Hefur heildarframboð af línuþorski til landvinnslu á tímabilinu nóvember til febrúar breyst síðan línutvöföldun var afnumin með lögum nr. 105/1996 ef miðað er við þrjú síðustu fiskveiðiár þar á undan?
2. Stunda þeir bátar sem mestum línuafla skiluðu fyrir afnám línutvöföldunar (t.d. þeir 30 bátar sem mesta úthlutun fengu vegna aflareynslu á línu við afnám tvöföldunar) enn línuveiðar yfir vetrarmánuði?
Skriflegt svar óskast.