Ferill 278. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 538 — 278. mál.
Breytingartillögur
við frv. til l. um breyt. á l. nr. 75/1981, um tekjuskatt og eignarskatt, með síðari breytingum.
Frá meiri hluta efnahags- og viðskiptanefndar (VE, EOK, VS, SP, PHB, GMS).
1. Við 3. gr.
a. Í stað tilvísunarinnar „1. tölul. 2. gr.“ í 1. efnismgr. b-liðar komi: 1. tölul. 1. mgr. 2. gr.
b. Við 2. efnismgr. b-liðar bætist nýr málsliður, svohljóðandi: Þó skal kaupverð hlutabréfa í eigu rekstraraðila, þar með talið einstaklinga, ákvarðast sem upphaflegt kaupverð þeirra eða jöfnunarverðmæti í árslok 1996 þegar það hefur verið hækkað eða lækkað samkvæmt verðbreytingarstuðli, sbr. 26. gr., til söluárs, enda séu hlutabréfin eignfærð í atvinnurekstrinum.
2. Við 5. gr. Eftirfarandi breytingar verði á b-lið:
a. Í stað laganúmersins „136/1996“ í 2. málsl. 4. efnismgr. komi: 137/1996.
b. Á eftir orðunum „á sama ári“ í 4. málsl. 4. efnismgr. komi: og eigi síðar en 30 dögum eftir söluna.
c. Í stað tilvísunarinnar „2. málsl.“ í 5. málsl. 4. efnismgr. komi: 3. málsl.
d. Við 8. efnismgr. bætist nýr málsliður, svohljóðandi: Þetta á þó ekki við um aukningu á fjárfestingu í atvinnurekstri sem heimilt var að flytja á milli ára á árunum 1996 og fyrr, sbr. 5. mgr. 3. gr. laga nr. 137/1996.
3. Á eftir 5. gr. komi tvær nýjar greinar sem orðist svo:
a. (6. gr.)
Eftirfarandi breytingar verða á 56. gr. A laganna:
a. Orðin „og því slitið“ í 1. málsl. falla brott.
b. 2. málsl. orðast svo: Eignarhlutir hluthafa í félögunum skulu vera innbyrðis í sömu hlutföllum og eignarhlutirnir voru í því félagi sem skipt er.
c. 4. málsl. orðast svo: Ákvæði þessarar málsgreinar eiga einnig við þegar hlutafélagi er skipt þannig að fleiri en eitt hlutafélag taka við hluta eigna og skulda í upprunalegu félagi.
d. Við greinina bætist ný málsgrein, svohljóðandi:
Við skiptingu skv. 1. mgr. skiptast skattalegar skyldur og réttindi milli félaganna í sama hlutfalli og bókfært verð eigna að frádregnum skuldum sem flytjast til þeirra.
b. (7. gr.)
Við 57. gr. A laganna bætist ný málsgrein, svohljóðandi:
Við skiptingu eða sameiningu félaga er heimilt að miða uppgjör rekstrar og framtalsskil, sbr. 91. gr., félaga þeirra er skiptingin eða slitin varða við það tímamark þegar skiptingin eða slitin eiga sér stað samkvæmt samþykktum félaganna.
4. Við 6. gr. Eftirfarandi breytingar verði á 1. efnismgr.:
a. Í stað orðsins „eitt“ í 1. málsl. komi: tvö.
b. 4. málsl. orðist svo: Samsköttun skal að lágmarki standa í fimm ár og ef samsköttun er slitið er ekki heimilt að fallast á hana að nýju fyrr en að liðnum fimm árum frá því að henni var slitið.
5. Við 7. gr. Greinin orðist svo:
Orðin „t.d. við slit félags og lækkun hlutafjár“ í 3. málsl. 3. mgr. 67. gr. laganna falla brott.
6. Við 12. gr. 2. málsl. falli brott.
