Ísólfur Gylfi Pálmason (andsvar):
Herra forseti. Það kemur á óvart að jafnframsýn kona og hv. þm. er skuli tala með þessum hætti því að hæstv. landbrh. hefur sýnt það á sínum skamma ferli sem landbrh. að hann hefur mjög mikinn áhuga á þessum málum. Ég treysti honum manna best til þess, hafi verkefnið farið eitthvað úr skorðum, að koma því aftur inn á þann veg að ég og hv. þm., sem talaði áðan, getum á endanum gengið í takt þegar talað er um Áforms-verkefnið.