Valgerður Sverrisdóttir:
Hæstv. forseti. Eins og þegar hefur komið fram á þessum fundi þá fundaði heilbr.- og trn. nú í morgun. Nefndin fagnar einróma þeirri ákvörðun hæstv. forseta að héðan í frá skuli ríkja reykingabann í Alþingishúsinu.
Okkur fannst fara vel á því að láta þetta koma fram þar sem fyrsti dagurinn er í dag sem ekki verður heimilt að reykja í húsinu. Það þarf kannski ekki að taka það fram en heilbr.- og trn. er reyklaus.