[prenta uppsett í dálka] 17. fundur, 125. lþ.
Tómas Ingi Olrich (andsvar):
Herra forseti. Ég tek undir það með hv. þm. Rannveigu Guðmundsdóttur að það er mikilsvert að við skiptumst á skoðunum um þessi mál og drögum fram þær upplýsingar sem þingmenn búa yfir af reynslu sinni og þekkingu á þessum málum.
Ég hjó eftir því að í ræðu sinni var hv. þm. að leggja raunsætt mat á stöðu EES-samstarfsins. Hún gat þess sérstaklega að líklegt væri að Sviss mundi sækja um aðild að Evrópusambandinu. Mér þætti vænt um að fá nánari upplýsingar um það sem er að gerast í Sviss að því er þetta varðar.
