[prenta uppsett í dálka] 17. fundur, 125. lþ.
Mörður Árnason (andsvar):
Virðulegi forseti. Ég þakka greið svör og jákvæð við þessu. Það skiptir ekki máli á þessari stundu hvort ég er sammála þeirri stefnu sem fram kemur hjá hæstv. utanrrh. eða ekki. En hann hefur í nokkrum orðum lýst samningsmarkmiðum sínum við bókunina. Ég fagna því líka að hann er reiðubúinn til samvinnu við stjórnarandstöðuna og við þingheim um þetta efni.
Ég vil minna hann á að ég spurði líka um 3 þús. tonna varðskip og stöðu þess í samhengi við herinn á Keflavíkurflugvelli og vil biðja hann að svara þeirri spurningu líka, enda gefst honum nú tími til þess.
