Ferill 29. máls. Aðrar útgáfur af skjalinu: PDF - Word Perfect.

125. löggjafarþing 1999–2000.
Þskj. 29  —  29. mál.



Fyrirspurn



til umhverfisráðherra um stöðu Íslands gagnvart rammasamningi Sameinuðu þjóðanna um umhverfisáhrif.

Frá Kolbrúnu Halldórsdóttur.

     1.      Hver var losun Íslands á gróðurhúsalofttegundum árið 1998 og hvernig kemur hún út miðað við ákvæði Kyoto-bókunarinnar og miðað við viðmiðunarárið 1990?
     2.      Hvernig skiptist þessi losun eftir einstökum meginuppsprettum gróðurhúsalofttegunda af mannavöldum hérlendis?
     3.      Hverju spá stjórnvöld um heildarlosun gróðurhúsalofttegunda hérlendis á árunum 2000, 2005 og 2010?
     4.      Hversu mikilli losun gróðurhúsalofttegunda (CO 2-ígildi) má gera ráð fyrir frá:
                  a.      480 þúsund tonna álveri á Reyðarfirði,
                  b.      120 þúsund tonna viðbót við álver Norðuráls á Grundartanga,
                  c.      fjórða og fimmta ofni Íslenska járnblendifélagsins,
                  d.      50 þúsund tonna magnesíumverksmiðju á Reykjanesi?
     5.      Hverjir er gert ráð fyrir að beri kostnað af aukinni losun gróðurhúsalofttegunda frá orkufrekum iðnaði, t.d. í formi kaupa á losunarheimildum, sem ekki rúmast innan ákvæða Kyoto-bókunarinnar að því er Ísland varðar?
     6.      Hvaða samdráttar er að vænta í losun gróðurhúsalofttegunda, sbr. 2. lið, frá meginuppsprettum þeirra hérlendis árin 2000, 2005 og 2010?
     7.      Hvaða mótvægisaðgerðir eru fyrirhugaðar á sama tíma (2000, 2005 og 2010) og hvernig gætu þær litið út í bókhaldi Íslands samkvæmt ákvæðum rammasamningsins og Kyoto- bókuninni?


Skriflegt svar óskast.