Ferill 52. máls. Aðrar útgáfur af skjalinu: PDF - Word Perfect.
125. löggjafarþing 1999–2000.
Þskj. 52 — 52. mál.
Fyrirspurn
til menntamálaráðherra um reglugerðir á grundvelli 16. gr. laga um framhaldsskóla, nr. 80/ 1996.
Frá Jóhanni Ársælssyni.
1. Hvaða starfsgreinar hafa nú löggildingu samkvæmt reglugerðum á grundvelli 16. gr. laga um framhaldsskóla, nr. 80/1996?
2. Hvers vegna hafa ekki verið settar reglugerðir á grundvelli laganna fyrir þær starfsgreinar sem höfðu löggildingu samkvæmt reglugerð nr. 560/1995?
3. Hver er lagaleg og fagleg staða þeirra starfsgreina sem höfðu löggildingu samkvæmt reglugerðinni eftir að hún féll úr gildi gagnvart ófaglærðum sem kynnu að vilja starfa í greininni?
4. Hver er lagaleg og fagleg staða þeirra starfsgreina sem höfðu löggildingu samkvæmt reglugerðinni gagnvart viðskiptavinum í viðkomandi starfsgrein ef á faglega ábyrgð reynir?
5. Hvert er nú gildi meistarabréfa sem hafa verið gefin út í þeim starfsgreinum sem höfðu löggildingu samkvæmt reglugerðinni áður en hún féll úr gildi?
6. Hvert er gildi þeirra meistarabréfa sem hafa verið gefin út eftir að reglugerðin féll úr gildi og hvert verður gildi þeirra ef og eftir að ný reglugerð tekur gildi?
7. Hyggst ráðherra setja reglugerð fyrir þær starfsgreinar sem höfðu löggildingu samkvæmt reglugerð nr. 560/1995 og hvenær má þá vænta hennar?
Skriflegt svar óskast.
