Ferill 119. máls. Aðrar útgáfur af skjalinu: PDF - Word Perfect.

125. löggjafarþing 1999–2000.
Þskj. 270  —  119. mál.



Svar



fjármálaráðherra við fyrirspurn Gísla S. Einarssonar um auglýsingagerð fyrir Lánasýslu ríkis ins og Þjónustumiðstöð ríkisverðbréfa.

     1.      Hver hefur annast auglýsingar og auglýsingagerð fyrir Lánasýslu ríkisins og Þjónustumiðstöð ríkisverðbréfa sl. tíu ár?
    Auglýsingastofan Gott fólk, kt. 450788-1209, Lágmúla 6, 125 Reykjavík, hefur annast auglýsingagerð og mestan hluta af birtingum auglýsinga fyrir Lánasýslu ríkisins og Þjónustu miðstöð ríkisverðbréfa sl. tíu ár.

     2.      Hver er kostnaðurinn af þessum auglýsingum hjá hvorri stofnun fyrir sig, sundurliðað eftir árum?
    Auglýsinga- og markaðskostnaður vegna sölu og innlausnar ríkisverðbréfa er ekki að greindur milli Lánasýslu ríkisins og Þjónustumiðstöðvar ríkisverðbréfa heldur er hann færður undir kostnað við lánsfjáröflun ríkissjóðs. Auglýsingakostnaðurinn aðgreinist á eftirfarandi hátt:

Ár Auglýsingagerð Birtingarkostnaður Heildarkostnaður
1989 49.619.961
1990 57.522.716
1991 19.585.903 35.504.189 55.090.092
1992 11.167.821 27.399.612 38.567.433
1993 9.971.576 18.517.937 28.489.513
1994 13.375.766 22.195.334 35.571.100
1995 15.903.875 30.546.117 46.449.992
1996 13.208.557 36.063.661 49.272.218
1997 15.289.699 27.671.063 42.960.762
1998 14.426.468 17.066.412 31.492.880
Samtals 112.929.665 214.964.325 435.036.667

    Undir liðnum auglýsingagerð er allur aðkeyptur kostnaður, svo sem prentun, kvikmynda gerð, ljósmyndun, filmur og allur annar kostnaður frá hendi þriðja aðila. Kostnaðartölur fyrir auglýsingagerð og birtingar eru með virðisaukaskatti.
    Á þessum tíma nam sala, innlausn og forinnlausn ríkisverðbréfa 960 milljörðum króna eins og sjá má á næstu töflu.

Í millj. kr.
     Sala      Innlausn/Forinnlausn
Ár Langtíma bréf Skammtíma bréf Samtals Langtíma bréf Skammtíma bréf Samtals Heildarvelta
1989 5.049 5.049 4.170 4.170 9.219
1990 8.275 8.275 1.825 1.825 10.100
1991 6.950 11.459 18.409 4.814 7.899 12.713 31.122
1992 5.622 21.577 27.199 4.537 13.682 18.219 45.418
1993 10.305 55.364 65.669 3.706 55.534 59.240 124.909
1994 14.997 56.482 71.479 9.825 50.596 60.421 131.900
1995 12.361 47.685 60.046 11.942 45.914 57.856 117.901
1996 27.290 66.586 93.876 30.878 66.186 97.064 190.940
1997 21.881 65.056 86.937 16.043 69.563 85.606 172.542
1998 19.236 45.730 64.966 21.032 42.817 63.849 128.815
Samtals 501.905 460.963 962.866

     3.      Hvernig hefur útgáfu reikninga fyrir auglýsingagerð og birtingu auglýsinga verið háttað? Hver annast innheimtu reikninga hjá birtingaraðilum?
    Reikningar frá birtingaraðilum berast bæði beint frá þeim og í gegnum auglýsingastofuna en hún gefur út reikninga mánaðarlega fyrir auglýsingagerð og aðkeypta vinnu tengda henni.

     4.      Hvaða afsláttur hefur verið birtur, sundurliðað eftir árum? Hafa Lánasýsla ríkisins og Þjónustumiðstöð ríkisverðbréfa notið afsláttar af birtingu eða gerð auglýsinga? Um hvaða upphæðir er að ræða, sundurliðað eftir árum?
    Ríkissjóður hefur notið afsláttar af birtingum í fjölmiðlum samkvæmt þeim kjörum sem á markaðinum hafa skapast. Sá afsláttur er yfirleitt ekki sundurliðaður sérstaklega en kemur fram í lægra birtingarverði.

     5.      Hefur auglýsingastofan Gott fólk veitt afslátt eða notið afsláttar? Ef svo er, um hvaða fjárhæðir er að ræða, sundurliðað eftir árum?
    Enginn samningur hefur verið gerður við auglýsingastofuna um afslátt en kostnaðaráætlun er gerð um helstu verkþætti, bæði hvað varðar birtingu auglýsinga og auglýsingagerð. Aug lýsingastofan leitar að öllu jöfnu tilboða hjá undirverktökum og er almennt leitað bestu kjara og hagstæðustu tilboðum tekið.

     6.      Er Þjónustumiðstöð ríkisverðbréfa enn starfrækt eins og ráða má af svari á þskj. 115?
    Þjónustumiðstöð ríkisverðbréfa er hætt starfsemi.

     7.      Ef hún hefur verið lögð niður, hvenær var það gert?
    Þjónustumiðstöð ríkisverðbréfa hætti starfsemi 1. maí 1997.

     8.      Hefur verið fram haldið áskriftarkerfi ríkisverðbréfa? Ef svo er, hver gaf út þá heimild?
    Í apríl 1989 var almenningi gefinn kostur á að kaupa spariskírteini ríkissjóðs í mánaðar legri áskrift. Því kerfi hefur verið haldið áfram síðan og kaupa nú um tíu þúsund manns mán aðarlega spariskírteini í áskrift en frá upphafi hafa hátt í þrjátíu þúsund aðilar nýtt sér þetta sparnaðarform í lengri eða skemmri tíma og hjá mörgum eru þetta fyrstu spor á sparnaðarbrautinni. Þessi grunnsparnaður í öruggum verðbréfum hefur oft og tíðum leitt til frekari fjár festingar á íslenskum verðbréfamarkaði og því nýst öllum fjármagnsmarkaðinum. Þegar Þjónustumiðstöð ríkisverðbréfa var lögð niður ákvað fjármálaráðuneytið að Lánasýslan héldi áfram rekstri áskriftarkerfisins. Ráðuneytið hefur ákveðið að frá næstu áramótum verði áskriftarkerfið rekið fjárhagslega aðgreint frá annarri starfsemi Lánasýslunnar.

     9.      Hvers vegna hafa auglýsingar og auglýsingagerð ekki verið boðnar út, sbr. svar á þskj. 115?
    Aukið frjálsræði á innlenda fjármagnsmarkaðinum, samfara vaxandi eftirspurn eftir lánsfé, breytti verulega samkeppnisstöðu spariskírteina frá því sem áður var. Við þær aðstæður var ákveðið að breyta fyrirkomulagi við sölu þeirra og færa hana frá Seðlabanka Íslands til Þjón ustumiðstöðvar ríkisverðbréfa og síðar Lánasýslu ríkisins. Aukin samkeppni hafði dregið úr sölu spariskírteina og því var talið mikilvægt að styrkja markaðsstöðu þeirra. Hluti af því verki var að fá auglýsingastofuna Gott fólk til að skapa nýja ímynd fyrir þau á markaði og ráðleggja um söluaðferðir. Þótti síðan æskilegt að fela auglýsingastofunni úrvinnslu og frá gang þeirra hugmynda sem í upphafi voru mótaðar í samvinnu við hana, enda um hugverk auglýsingastofunnar að ræða. Á þessum tíma byggðist upp þekking og reynsla sem mikilvægt var að glataðist ekki heldur nýttist til enn betri árangurs. Þá er ljóst að við ímyndasköpun af þessu tagi skiptir miklu að samfella sé í kynningarmálum og ekki sé horfið frá auglýsinga þemum sem alþekkt eru orðin og gefið hafa góða raun.