Ferill 232. máls. Aðrar útgáfur af skjalinu: PDF - Word Perfect.


125. löggjafarþing 1999–2000.
Þskj. 283  —  232. mál.




Fyrirspurn



til félagsmálaráðherra um rekstrarkostnað Húsnæðisstofnunar ríkisins og Íbúðalánasjóðs.

Frá Rannveigu Guðmundsdóttur.



     1.      Hver var rekstrarkostnaður Húsnæðisstofnunar ríkisins á árunum 1997 og 1998 og áætlaður rekstrarkostnaður Íbúðalánasjóðs 1999 og 2000, á sama verðlagi?
             Óskað er eftir að rekstrarkostnaður verði sundurliðaður eins og gert hefur verið í árs reikningum Byggingarsjóðs ríkisins undanfarin ár (sbr. greinargerð).
     2.      Hver var fjöldi starfsmanna og stöðugilda hjá Húsnæðisstofnun ríkisins annars vegar og Íbúðalánasjóði hins vegar miðað við eftirfarandi dagsetningar:
             a.    hjá Húsnæðisstofnun 1. mars og 1. nóvember 1997 og 1. mars og 1. nóvember 1998,
             b.    hjá Íbúðalánsjóði 1. mars og 1. nóvember 1999?


Skriflegt svar óskast.

Greinargerð.


    Í ársreikningi Byggingarsjóðs ríkisins hafa eftirfarandi liðir verið sundurgreindir:
     1.      Rekstrarkostnaður: Laun; Launatengd gjöld; Greitt í lífeyrissjóð; Tölvuþjónusta Reiknistofu bankanna; Veðdeild Landsbanka Íslands (eða sambærilegt); Prentun, pappír, ritföng, blöð og bækur; Auglýsingar og kynningar; Sími og burðargjöld; Birtingarkostn aður; Ferðakostnaður; Mötuneyti og annar starfsmannakostnaður; Rafmagn og hiti; Rekstur fasteignar; Gjaldfærð kaup á skrifstofubúnaði, áhöldum og tækjum;          Viðhald áhalda og tækja; Aðkeyptur akstur; Viðhaldsþjónusta og rekstrarvörur; Fasteignagjöld; Öryggisgæsla og ræsting; Endurskoðun og reikningsskil; Aðkeypt lögfræðiþjónusta; Tölvuþjónusta og lager; Önnur sérfræðiþjónusta; Aðgangur að fasteignamatsskrá; Sam keppni og styrkir; Risna og gjafir; Annar kostnaður; Afskriftir varanlegra rekstrarfjár muna; Samtals.
     2.      Þóknun og þjónustutekjur: Tæknideild; Lögfræðiþjónusta; Tilkynningar og greiðslugjald; Vanskilakostnaður; Aðrar tekjur; Samtals.