Ferill 441. máls. Aðrar útgáfur af skjalinu: PDF - Word Perfect.
125. löggjafarþing 1999–2000.
Þskj. 711 — 441. mál.
Fyrirspurn
til dómsmálaráðherra um skotelda.
Frá Ástu Möller.
1. Hve mikið magn af skoteldum hefur verið framleitt á Íslandi eða flutt til landsins síðustu fimm ár, skipt eftir tegundum (ef unnt er) og árum?
2. Hver eru framleiðslulönd innfluttra skotelda og hve mikið magn var flutt inn frá hverju landi á síðasta ári? Hvernig er eftirliti með hugsanlegum ólöglegum innflutningi á skoteldum háttað?
3. Eru til reglur um flokkun skotelda? Ef svo er, í hverju eru þær fólgnar?
4. Er sala einhverra tegunda eða flokka skotelda til almennings háð takmörkunum? Hvaða tegundir skotelda eru bannaðar á Íslandi?
5. Hvernig er fræðslu til almennings um mögulega hættu af völdum skotelda háttað?
6. Er fyrirhugað að hækka aldursmörk barna sem leyft er að kaupa skotelda?
Skriflegt svar óskast.
