Ferill 459. máls. Aðrar útgáfur af skjalinu: PDF - Word Perfect.
125. löggjafarþing 1999–2000.
Þskj. 1016 — 459. mál.
Svar
fjármálaráðherra við fyrirspurn Ögmundar Jónassonar um barnabætur.
Fyrirspurnin hljóðar svo:
Hvert hefur verið framlag ríkissjóðs til barnabóta og barnabótaauka árlega frá og með árinu 1991, sundurgreint á eftirfarandi hátt:
a. barnabætur (ótekjutengdar) sem hlutfall og í millj. kr.,
b. barnabætur (tekjutengdar) sem hlutfall og í millj. kr.,
c. barnabætur alls í millj. kr.,
d. barnabætur alls sem hlutfall af vergri landsframleiðslu,
e. barnabætur alls á föstu verðlagi, samkvæmt vísitölu?
| Barnabætur og barnabótaauki 1991–99. |
|||||||||
| Í milljónum kr. | 1991 | 1992 | 1993 | 1994 | 1995 | 1996 | 1997 | 19981 | 19991 |
| Barnabætur:2 | |||||||||
| Barnabætur | 3.623 | 2.505 | 2.522 | 2.584 | 2.635 | 2.684 | 2.693 | 4.078 | 3,779 |
| Barnabótaauki | 1.197 | 1.786 | 1.817 | 1.884 | 1.959 | 2.102 | 1.878 | – | – |
| Barnabætur alls | 4.819 | 4.291 | 4.339 | 4.468 | 4.594 | 4.786 | 4.571 | 4.078 | 3,779 |
| Hlutfallsleg skipting: | |||||||||
| Barnabætur | 75% | 58% | 58% | 58% | 57% | 56% | 59% | 100% | 100% |
| Barnabótaauki | 25% | 42% | 42% | 42% | 43% | 44% | 41% | 0% | 0% |
| Samtals | 100% | 100% | 100% | 100% | 100% | 100% | 100% | 100% | 100% |
| Sem hlutfall af vergri landsframleiðslu:3 | |||||||||
| Barnabætur | 0,9% | 0,6% | 0,6% | 0,6% | 0,6% | 0,6% | 0,5% | 0,7% | 0,6% |
| Barnabótaauki | 0,3% | 0,4% | 0,4% | 0,4% | 0,4% | 0,4% | 0,4% | 0,0% | 0,0% |
| Samtals | 1,2% | 1,1% | 1,1% | 1,0% | 1,0% | 1,0% | 0,9% | 0,7% | 0,6% |
| Á verðlagi í árslok 19994 | |||||||||
| Barnabætur | 4.410 | 2.941 | 2.844 | 2.871 | 2.879 | 2.868 | 2.826 | 4.208 | 3,779 |
| Barnabótaauki | 1.457 | 2.097 | 2.049 | 2.094 | 2.140 | 2.246 | 1.971 | – | – |
| Barnabætur alls | 5.867 | 5.038 | 4.893 | 4.965 | 5.020 | 5.114 | 4.797 | 4.208 | 3,779 |
| 1 Árið 1998 voru barnabætur og barnabótaauki sameinuð og kallast nú barnabætur.
2 Tölur um barnabætur eru byggðar á upplýsingum úr álagningarkerfi barnabóta aftur til 1992 en á ríkisreikningi fyrir árið 1991. Tölur um barnabótaauka eru byggðar á álagningaryfirliti einstaklinga aftur til 1991. 3 Samkvæmt Þjóðhagsstofnun. 4 Miðað við neysluverðsvísitölu Þjóðhagsstofnunar. |
|||||||||
Árið 1991 var ákveðið að auka vægi tekjutengingar í barnabótakerfinu og árið 1997 var skrefið stigið til fulls með því að tekjutengja allar barnabætur. Jafnframt var þá ákveðið að allar barnabætur og afsláttarliðir í tekjuskattskerfinu skyldu hækka um 2,5% í ársbyrjun 1998, 1999 og 2000 í samræmi við áætlanir um verðlagsþróun. Með þessu var í reynd horfið til þess sem gilti þegar staðgreiðslukerfið var tekið upp á árinu 1988, þ.e. að þessir liðir skyldu fylgja verðlagi.
Þetta atriði endurspeglast í heildargreiðslum barnabóta á árunum 1992–96 sem þróast nokkurn veginn í takt við verðlag. Frá árinu 1997 hefur heildargreiðsla barnabóta hins vegar lækkað enda þótt allar fjárhæðir í barnabótakerfinu hafi hækkað um rúmlega 5%. Þessi þróun endurspeglar þá miklu kaupmáttaraukningu sem orðið hefur í þjóðfélaginu á þessum tíma og áhrif tekjutengingarinnar við þær aðstæður.
