Ferill 406. máls. Aðrar útgáfur af skjalinu: PDF - Word Perfect.
125. löggjafarþing 1999–2000.
Þskj. 1203 — 406. mál.
Breytingartillögur
við frv. til l. um breyt. á l. um veitinga- og gististaði, nr. 67/1985, með síðari breytingum.
Frá meiri hluta samgöngunefndar (ÁJ, HjÁ, JónK, GHall, ArnbS, ÞKG, LB, KLM).
1. Við 1. gr.
a. Í stað orðanna „3. mgr. 2. gr.“ í inngangsmálsgrein komi: 2. mgr. 2. gr.
b. Í stað orðsins „takmarkaðri“ í a-lið efnismálsgreinar komi: ótakmarkaðri.
2. Við 2. gr.
a. Í stað orðsins „þrír“ í inngangsmálsgrein komi: fjórir.
b. G-liður orðist svo:
Krá.
Veitingastaður með takmarkaða þjónustu og einfaldar eða engar veitingar í mat þar sem aðaláhersla er lögð á áfengisveitingar.
c. Við bætist nýr liður er verði h-liður og orðist svo:
Dansstaður.
Veitingastaður með reglubundna skemmtistarfsemi sem aðallega hefur opið seint að kvöldi og að næturlagi og aðaláhersla er lögð á áfengisveitingar og dans gesta.
d. H-liður, er verði i-liður, orðist svo:
Næturklúbbur.
Veitingastaður með reglubundna skemmtistarfsemi þar sem aðaláhersla er lögð á áfengisveitingar og sýningu á nektardansi í atvinnuskyni.
3. Við bætist ákvæði til bráðabirgða, svohljóðandi:
Þeim veitingastöðum sem reka starfsemi sem falla undir nýja flokka skv. 2. gr. laga þessara er skylt að uppfylla skilyrði laganna og afla sér tilskilinna rekstrarleyfa fyrir 1. janúar 2001.
