Forseti (Halldór Blöndal):
Ég vil að þessu gefna tilefni taka fram að ég ræddi þetta mál sérstaklega með formönnum þingflokka á fundi í morgun. Þá ræddi ég um hvernig fundahöldum og umræðum yrði hagað í dag og það hefur ekkert breyst síðan þá.
Ég vil líka taka fram að það kom fram í máli hv. 13. þm. Reykv. að hann hafði búist við því að ekki yrði rætt um almannatryggingalögin í dag þannig að hann hefur þá átt von á því að önnur mál yrðu rædd í dag þar sem við vorum sammála um að nýta þá vinnuviku sem er nú að hefjast hjá þingmönnum.