Ferill 389. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 1341 — 389. mál.
Breytingartillögur
við frv. til l. um breyt. á l. um lax- og silungsveiði, nr. 76/1970, með síðari breytingum.
Frá minni hluta landbúnaðarnefndar (SJóh, ÞBack, GÁS).
1. Við 3. gr. 1. málsl. 1. efnismgr. orðist svo: Til fiskeldis eða hafbeitar þarf rekstrarleyfi veiðimálastjóra að fenginni umsögn dýralæknis fisksjúkdóma, fisksjúkdómanefndar, veiðimálanefndar og Náttúruverndar ríkisins.
2. Við 5. gr.
a. 1. málsl. 3. efnismgr. c-liðar (76. gr.) orðist svo: Veiðimálastjóri getur veitt undanþágu til flutnings á eldistegundum sem ekki eru tilgreindar í rekstrarleyfi milli fiskeldis- og hafbeitarstöðva svo og til flutnings á lifandi fiski og frjóvguðum hrognum milli ótengdra vatnasvæða að fenginni umsögn dýralæknis fisksjúkdóma, fisksjúkdómanefndar, Náttúrufræðistofnunar Íslands og Náttúruverndar ríkisins.
b. 2. málsl. 5 efnismgr. e-liðar (78. gr.) orðist svo: Landbúnaðarráðherra getur einnig að fenginni umsögn dýralæknis fisksjúkdóma, veiðimálanefndar, veiðimálastjóra, Veiðimálastofnunar og Náttúruverndar ríkisins takmarkað eða bannað fiskeldi, hafbeit eða ákveðnar eldisaðferðir í einstökum fjörðum, flóum eða landssvæðum sem teljast sérstaklega viðkvæm gagnvart slíkri starfsemi.
3. Við 7. gr. 1. og 2. málsl. 1. efnismgr. orðist svo: Í fiskeldisnefnd eiga sæti fimm menn. Landbúnaðarráðherra skipar nefndina til fjögurra ára í senn, einn án tilnefningar, einn samkvæmt tilnefningu sjávarútvegsráðherra, einn samkvæmt tilnefningu umhverfisráðherra, einn samkvæmt tilnefningu Veiðimálastofnunar og einn samkvæmt tilnefningu Hafrannsóknastofnunarinnar.
