Katrín Fjeldsted:
Herra forseti. Þessi brtt. er útrétt sáttarhönd til að reyna að ná málamiðlun í erfiðu deilumáli sem þingið hefur varið mörgum klukkutímum í að ræða. Það er vitað að læknasamtök víða um heim hafa vakið athygli á því að keppni og bardagaþjálfun eða ,,sparring`` gerir box að einni hættulegustu íþrótt í heimi.
Brtt. lýtur að því að æfingar í sal séu heimilar en hvorki bardagaþjálfun í hring né keppni í hnefaleikum. Þar með er hættu á vísvitandi höfuðhöggum og heilaáverkum bægt frá en leiddir fram kostir þess að þjálfa loftsækna íþrótt í sal. Ég segi já.