[prenta uppsett í dálka] 80. fundur, 127. lþ.
Flm. (Pétur H. Blöndal) (andsvar):
Herra forseti. Ég gat um að sjómenn gætu farið sömu leið og aðrir með dagpeningagreiðslum. Þá er ég með það í huga að allir séu jafnir fyrir lögum, að sömu reglur gildi fyrir alla, þingmenn jafnt sem sjómenn. Ég vil benda á að sjómenn greiða sennilega hæstu fæðispeninga af öllum í landinu. Þeir borga kokkinum hlut. Sennilega er það dýrasti matur sem til er í heiminum, maturinn sem sjómenn borða, ef laun kokksins, hlutur hans, mundi reiknast á hverja einustu máltíð.
