[prenta uppsett í dálka] 49. fundur, 127. lþ.
Gunnar Birgisson (andsvar):
Herra forseti. Ég held að í grunninn sé hv. þm. sammála þessu þótt hann vilji bara fara niður í 25%.
Írland gerði þetta og hefur sannað að þetta gengur. Það er rétt hjá hv. þm., að auðvitað er breytingin til að skapa betri samkeppnishæfni íslenskra fyrirtækja í landinu. Tilgangurinn er einnig að koma í veg fyrir að þau fari úr landinu, fá ný fyrirtæki inn í landið, fleiri atvinnutækifæri og velsæld.
Mér þykir það með ólíkindum, miðað við það sem á undan er gengið í flokki hv. þm. Össurar Skarphéðinssonar, að þeir skuli leggjast gegn þessu frv. eða sitja hjá og vera ósammála þessu góða máli.
