Ferill 73. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 222 — 73. mál.
Svar
umhverfisráðherra við fyrirspurn Margrétar Frímannsdóttur um jafnréttisáætlun, stöðuveitingar og skipan í nefndir og ráð.
1. Hefur ráðuneytið gert sérstaka framkvæmdaáætlun í jafnréttismálum til að tryggja jafnan hlut kvenna og karla í störfum innan ráðuneytisins og á vegum þess? Ef svo er, hvenær var það gert og hvað hefur verið gert til að framfylgja áætluninni?
Umhverfisráðuneytið hefur gert sérstaka jafnfréttisáætlun, sem birt er í fylgiskjali með svari þessu. Áætlunin var staðfest í nóvember 1999 og er nú unnið að fyrstu endurskoðun hennar í jafnréttisnefnd ráðuneytisins. Til þess að framfylgja áætluninni hefur verið unnið markvisst að því að auka hlut kvenna í nefndum, ráðum og stjórnum á vegum ráðuneytisins. Ráðuneytið setti sér sérstaka fjölskyldustefnu þar sem staðfest er 4. gr. áætlunarinnar um sveigjanlegan vinnutíma. Þrír starfsmenn hafa minnkað við sig störf tímabundið frá því að áætlunin var samþykkt og er einn deildarstjóri með vinnuaðstöðu heima hjá sér. Þrír starfsmenn hafa fengið fartölvur til afnota bæði til þess að nota á ferðalögum og heima við ef þeir óska þess. Jafnréttisáætlunin er kynnt öllum nýjum starfsmönnum og var kynnt á fundi með forstöðumönnum stofnana ráðuneytisins haustið 1999 og voru þeir hvattir til þess að setja stofnunum sínum jafnréttisáætlun.
2. Hversu margar stöður hafa verið auglýstar á vegum ráðuneytisins síðustu þrjú ár og um hvaða stöður er að ræða? Hversu margir umsækjendur voru um hverja stöðu og hversu margir þeirra voru metnir hæfir til að gegna henni, skipt eftir kyni í báðum tilvikum? Hvort var kona eða karl ráðinn í umræddar stöður?
Síðastliðin þrjú ár voru auglýstar fimmtán stöður lausar til umsóknar hjá ráðuneytinu. Ein skrifstofustjórastaða, tvær deildarstjórastöður, sex sérfræðingsstöður og fjórum sinnum var auglýst í tvær stöður móttökuritara. Einnig voru auglýstar stöður ritara og bókara. Í þessar fimmtán stöður voru ráðnar tólf konur og þrír karlar. Karl var ráðinn skrifstofustjóri og tveir karlar voru ráðnir sem deildarsérfræðingar en konur voru ráðnar í hinar stöðurnar. Af þessum fimmtán starfsmönnum eru tólf að störfum hjá ráðuneytinu þegar þetta er ritað. Ekki eru handbærar upplýsingar um fjölda umsókna um allar stöður í ráðuneytinu því að langoftast fara umsóknir í gegnum ráðningarskrifstofu sem metur umsóknir eftir hæfisskilyrðum í auglýsingu.
3. Hefur á síðustu þremur árum verið ráðið í stöður á vegum ráðuneytisins sem ekki voru auglýstar? Ef svo er, um hvaða stöður er að ræða og hvort var kona eða karl ráðinn í umræddar stöður?
Á síðustu þremur árum var ráðið í tvær stöður sem ekki voru auglýstar með hefðbundnum hætti. Annars vegar var ráðinn karl í stöðu ráðherrabílstjóra og hins vegar var ráðin kona í stöðu skjalavarðar tímabundið vegna barnsburðarleyfis með milligöngu ráðningarskrifstofu.
4. Hvaða nefndir og ráð eru starfandi á vegum ráðuneytisins? Hve margir fulltrúar eru í hverri nefnd eða ráði, hvernig skiptast þeir eftir kynjum og hvenær voru þeir skipaðir?
Svar við þessum lið fyrirspurnarinnar er í heild í eftirfarandi töflu. Þar kemur m.a. fram að 138 konur starfa í nefndum á vegum ráðuneytisins en 407 karlar. Tekið skal fram að tölurnar ná bæði yfir aðal- og varamenn.
Dagsetning | Heiti | Tegund | Karlar | Konur |
29.01.1992 | Verkefnisstjórn „Botndýr á Íslandsmiðum“ | Verkefnanefnd | 7 | 0 |
08.02.1994 | Starfshópur um umhverfisvöktun | Verkefnanefnd | 5 | 3 |
03.09.1997 | Stjórn Náttúrustofu Suðurlands | Lögbundin stjórn | 4 | 2 |
06.06.1997 | Ráðgjafarnefnd um umhverfisrannsóknir og vöktun umhverfis vegna stóriðju í Hvalfirði | Verkefnanefnd |
7 |
0 |
27.11.1997 | Stjórn Stofnunar Vilhjálms Stefánssonar | Lögbundin stjórn | 3 | 3 |
30.10.1997 | Samvinnunefnd um málefni norðurslóða | Lögbundin nefnd | 8 | 3 |
01.01.1998 | Prófnefnd mannvirkjahönnuða | Lögbundin nefnd | 2 | 1 |
01.07.1998 | Dýraverndarráð | Lögbundið ráð | 4 | 6 |
01.07.1998 | Ráðgjafarnefnd um villt dýr | Lögbundin nefnd | 14 | 0 |
01.07.1998 | Aukefnanefnd | Lögbundin nefnd | 4 | 6 |
01.07.1998 | Hollustuháttaráð | Lögbundið ráð | 12 | 4 |
04.08.1998 | Bráðamengunarnefnd | Verkefnanefnd | 7 | 1 |
07.08.1998 | Stjórn Náttúrustofu Norðurlands vestra | Lögbundin stjórn | 5 | 1 |
08.09.1998 | Starfshópur um aðgerðir gegn eyðimerkurmyndun | Föst verkefnanefnd | 5 | 0 |
12.05.1998 | Úrskurðarnefnd hollustuhátta- og mengunarvarnarmála | Lögbundin nefnd | 4 | 2 |
13.01.1998 | Úrskurðarnefnd skipulags- og byggingarmála | Lögbundin nefnd | 5 | 1 |
15.05.1998 | Umhverfismerkisráð | Föst verkefnanefnd | 5 | 4 |
15.05.1998 | Nefnd um samning við landeigendur innan marka fyrirhugaðs þjóðgarðs á Snæfellsnesi | Verkefnanefnd |
2 |
0 |
17.08.1998 | Nefnd um umhverfisvísa | Verkefnanefnd | 2 | 3 |
18.02.1998 | Samstarfsnefnd um líffræðilegan fjölbreytileika | Föst verkefnanefnd | 5 | 0 |
18.12.1998 | Nefnd um endurskoðun laga nr. 32/1986, um varnir gegn mengun sjávar | Verkefnanefnd |
6 |
0 |
23.09.1998 | Stjórn Náttúrustofu Vesturlands | Lögbundin stjórn | 3 | 3 |
30.06.1998 | Vísindanefnd um loftslagsbreytingar | Verkefnanefnd | 7 | 1 |
30.10.1998 | Stjórn Náttúrustofu Austurlands | Lögbundin stjórn | 5 | 1 |
03.03.1999 | Nefnd um kaup ríkisins á Geysissvæðinu | Verkefnanefnd | 3 | 0 |
05.11.1999 | Nefnd um kaup ríkisins á Núpsstað | Verkefnanefnd | 4 | 1 |
06.04.1999 | Jafnréttisnefnd | Verkefnanefnd | 1 | 2 |
06.10.1999 | Starfshópur um tekjuöflun af náttúruperlum | Verkefnanefnd | 5 | 0 |
10.05.1999 | Íslenska matvælarannsóknanefndin (NMKL) | Föst verkefnanefnd | 3 | 3 |
10.08.1999 | Stýrihópur El Grillo | Verkefnanefnd | 3 | 0 |
12.11.1999 | Samvinnunefnd miðhálendisins | Lögbundin nefnd | 20 | 12 |
14.06.1999 | Fráveitunefnd | Lögbundin nefnd | 5 | 1 |
19.10.1999 | Samstarfsnefnd um matarsjúkdóma | Verkefnanefnd | 10 | 2 |
23.03.1999 | Starfshópur um reglugerð um hollustuhætti og heilbrigðiseftirlit | Verkefnanefnd |
3 |
4 |
29.01.1999 | Samvinnunefnd um landmælingamál | Verkefnanefnd | 7 | 0 |
01.02.2000 | Nefnd um endurnýtingu úrgangs | Verkefnanefnd | 4 | 4 |
01.02.2000 | Ofanflóðanefnd | Lögbundin nefnd | 5 | 1 |
02.02.2000 | Náttúruverndarráð | Lögbundið ráð | 13 | 5 |
02.06.2000 | Nefnd um rannsóknarsetur að Kvískerjum | Verkefnanefnd | 3 | 2 |
03.07.2000 | Nefnd um endurskoðun laga nr. 52/1988, um eiturefni og hættuleg efni, með síðari breytingum | Verkefnanefnd |
3 |
5 |
04.07.2000 | Hreindýraráð | Lögbundið ráð | 8 | 1 |
04.09.2000 | Spilliefnanefnd | Lögbundin nefnd | 11 | 3 |
05.04.2000 | Nefnd um námskeið fyrir iðnmeistara | Verkefnanefnd | 3 | 1 |
05.06.2000 | Ráðgjafarnefnd um erfðabreyttar lífverur | Lögbundin nefnd | 12 | 6 |
07.07.2000 | Stjórn Náttúrurannsóknastöðvarinnar við Mývatn | Lögbundin stjórn | 9 | 1 |
09.06.2000 | Breiðafjarðarnefnd | Lögbundin nefnd | 13 | 1 |
16.02.2000 | Nefnd um nýtt húsnæði Náttúrugripasafns Íslands | Verkefnanefnd | 5 | 1 |
18.05.2000 | Nefnd um reglugerð um stjórn hreindýraveiða | Verkefnanefnd | 5 | 1 |
18.05.2000 | Tilraunadýranefnd | Lögbundin nefnd | 1 | 2 |
19.07.2000 | Stjórn Náttúrustofu Vestfjarða | Lögbundin stjórn | 5 | 1 |
20.06.2000 | Starfshópur um öryggi leikvallatækja | Verkefnanefnd | 2 | 4 |
21.03.2000 | Starfshópur um framhald mála varðandi El Grillo | Verkefnanefnd | 4 | 2 |
23.11.2000 | Stýrihópur um íslenska þolhönnunarstaðla | Verkefnanefnd | 6 | 0 |
28.03.2000 | Stjórn Náttúrustofu Reykjaneskjördæmis | Lögbundin stjórn | 4 | 2 |
30.08.2000 | Hættumatsnefnd Fjarðabyggðar | Verkefnanefnd | 4 | 0 |
01.09.2001 | Nefnd til að endurskoða reglugerð nr. 392/1994, um mjólk og mjólkurvörur | Verkefnanefnd |
2 |
2 |
04.09.2001 | Nefnd um aðgerðir til að draga úr veiðiálagi á einstaka fuglastofna | Verkefnanefnd |
5 |
1 |
08.10.2001 | Ráðgjafarnefnd um þjóðgarðinn í Skaftafelli | Lögbundin nefnd | 3 | 0 |
08.10.2001 | Ráðgjafarnefnd um þjóðgarðinn í Jökulsárgljúfrum | Lögbundin nefnd | 3 | 0 |
08.10.2001 | Ráðgjafarnefnd um þjóðgarðinn Snæfellsjökul | Lögbundin nefnd | 2 | 1 |
09.03.2001 | Nefnd um þróun landupplýsingakerfa | Verkefnanefnd | 6 | 0 |
10.10.2001 | Nefnd um framtíðarlausnir húsnæðismála Náttúrufræðistofnunar Íslands | Verkefnanefnd |
4 |
0 |
18.06.2001 | Skólaráð Brunamálaskólans | Lögbundið ráð | 6 | 0 |
20.03.2001 | Hættumatsnefnd Ísafjarðar | Verkefnanefnd | 4 | 0 |
21.03.2001 | Starfshópur um rammatilskipun um vatn nr. 2000/60/EB | Verkefnanefnd | 8 | 1 |
22.06.2001 | Samstarfsnefnd um sjálfbæra þróun | Verkefnanefnd | 5 | 2 |
22.06.2001 | Umhverfisfræðsluráð | Föst verkefnanefnd | 11 | 7 |
24.07.2001 | Íslandsnefnd Alþjóðajarðfræðisambandsins (IUGS) | Verkefnanefnd | 4 | 1 |
25.01.2001 | Sérfræðinganefnd um framandi lífverur | Lögbundin nefnd | 4 | 5 |
25.09.2001 | Nefnd til að endurskoða lög nr. 36/1974, um verndun Mývatns og Laxár | Verkefnanefnd |
5 |
0 |
27.02.2001 | Hættumatsnefnd Siglufjarðar | Verkefnanefnd | 4 | 0 |
27.02.2001 | Hættumatsnefnd Seyðisfjarðar | Verkefnanefnd | 4 | 0 |
28.09.2001 | Nefnd um urðun úrgangs | Verkefnanefnd | 2 | 2 |
31.01.2001 | Brunamálaráð | Lögbundið ráð | 10 | 3 |
407 | 138 |
Fylgiskjal.
Jafnréttisáætlun umhverfisráðuneytisins.
(11. nóvember 1999.)
Umhverfisráðuneytið gerir sér grein fyrir mikilvægi þess að nýta til jafns þá auðlegð sem felst í menntun, reynslu og viðhorfum karla og kvenna. Markmiðið með jafnréttisáætlun þessari er að allt starfsfólk ráðuneytisins eigi jafna möguleika á að njóta eigin atorku og þroska hæfileika sína í störfum sínum fyrir ráðuneytið. Áætlunin er sett samkvæmt ákvæðum laga nr. 28/1991, um jafna stöðu jafnan rétt kvenna og karla. Til að fylgja eftir áætluninni starfar sérstök jafnréttisnefnd í ráðuneytinu sem fjallar um og hefur eftirlit með framkvæmd hennar og endurskoðun. Framkvæmd áætlunarinnar skal metin og hún endurskoðuð á að minnsta kosti tveggja ára fresti.
MARKMIÐ
Yfirstjórn ráðuneytisins vinni markvisst að því að jafna stöðu kynjanna innan ráðuneytisins og tryggja að möguleikar kvenna og karla til starfa og starfsframa, sí- og endurmenntunar séu jafnir.
Í öllu starfi ráðuneytisins verður unnið gegn viðhorfum sem leiða til aðstöðumunar kvenna og karla í þjóðfélaginu.
Jafnréttisstarf verði eðlilegur hluti af daglegu starfi ráðuneytisins og áhersla lögð á þátttöku beggja kynja í umræðu og aðgerðum.
HVERNIG MÁ NÁ MARKMIÐUM
1) Með hliðsjón af 5. grein laga nr. 28/1991 mun umhverfisráðuneytið leita leiða til þess að jafna hlutfall kvenna og karla í öllum störfum ráðuneytisins svo og í nefndum og ráðum á vegum þess.
2) Tryggt verði að konur og karlar njóti sömu launa og kjara fyrir sambærileg og jafnverðmæt störf.
3) Við skipan í nefndir á vegum ráðuneytisins verður lögð áhersla á að skipa konur og karla jöfnum höndum. Í þeim tilgangi mun ráðuneytið í öllum bréfum þar sem óskað er tilnefninga í nefndir á vegum þess minna á ákvæði laga um jafnan rétt og jafna stöðu kvenna og karla.
4) Starfsskipulag ráðuneytisins taki mið af samræmingu fjölskyldu- og atvinnulífs. Sveigjanlegur vinnutími og skilningur á tímabundnum þörfum foreldra ungra barna eru lykilatriði. Feðrum verði sérstaklega kynnt sú afstaða ráðuneytisins að gengið sé út frá því að þeir taki sér það fæðingarorlof sem þeir eiga rétt á og séu heima hjá veikum börnum til jafns við mæður.
5) Að gefinn verði kostur á tímabundnum hlutastörfum vegna fjölskyldu- eða heimilisaðstæðna.
6) Hvatt verði til að jafnréttismál verði kynnt og rædd á starfsmannafundum og reynt að draga fram mikilvægi þess að jafnréttismál verði að vera viðfangsefni beggja kynja, enda muni bæði kynin njóta góðs af auknu jafnrétti í samfélaginu.
7) Yfirstjórn leggur áherslu á að góða líðan starfsmanna og góðan starfsanda og lítur því kynferðislega áreitni alvarlegum augum.
8) Nýjum starfsmönnum verði kynnt gildandi jafnréttisáætlun er þeir hefja störf í ráðuneytinu.
Siv Friðleifsdóttir.
Magnús Jóhannesson.