Ferill 142. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 300 — 142. mál.
Svar
félagsmálaráðherra við fyrirspurn Margrétar Frímannsdóttur um jafnréttisáætlun, stöðuveitingar og skipan í nefndir og ráð.
1. Hefur ráðuneytið gert sérstaka framkvæmdaáætlun í jafnréttismálum til að tryggja jafnan hlut kvenna og karla í störfum innan ráðuneytisins og á vegum þess? Ef svo er, hvenær var það gert og hvað hefur verið gert til að framfylgja áætluninni?
Ráðuneytið hefur ekki gert sérstaka framkvæmdaáætlun í jafnréttismálum til að tryggja jafnan hlut karla og kvenna í störfum ráðuneytisins og á vegum þess. Hins vegar á fulltrúi félagsmálaráðuneytisins sæti í samráðshópi sem ætlað er að ganga frá jafnréttisstefnu Stjórnarráðsins í heild sinni. Ætlunin er að sú stefna birtist í sameiginlegri starfsmannahandbók Stjórnarráðsins sem liggur nú fyrir í lokadrögum. Stjórnendur ráðuneytisins eru afar meðvitaðir um jafnan hlut kynjanna við mat á umsóknum og við val á starfsfólki, sbr. III. kafla laga um jafna stöðu og jafnan rétt kvenna og karla, nr. 96/2000. Hæfni umsækjenda er meginforsenda við val en hlutföll kynja eru einnig höfð til hliðsjónar.
2. Hversu margar stöður hafa verið auglýstar á vegum ráðuneytisins síðustu þrjú ár og um hvaða stöður er að ræða? Hversu margir umsækjendur voru um hverja stöðu og hversu margir þeirra voru metnir hæfir til að gegna henni, skipt eftir kyni í báðum tilvikum? Hvort var kona eða karl ráðinn í umræddar stöður?
Samtals hefur verið ráðið í sjö stöður á grundvelli auglýsinga eða eftir leit hjá ráðningarstofum á tímabilinu frá 31. október 1998 til 31. október 2001. Í fimm tilvikum voru konur ráðnar en í tveimur tilvikum voru karlar ráðnir, sbr. eftirfarandi:
a. Samtals fimm stöður hafa verið auglýstar á síðustu þremur árum, fjórar stöður lögfræðinga og ein staða viðskiptafræðings. Í þremur tilvikum voru konur ráðnar en í tveimur tilvikum karlar. Um fjórar stöður lögfræðinga sóttu samtals 29, 21 kona og 8 karlar. Ávallt er farið ítarlega yfir allar umsóknir og byggist niðurstaða ráðuneytisins á að velja hæfasta umsækjandann með hliðsjón af hlutfalli kynjanna. – Ráðning starfsmanns í stöðu viðskiptafræðings fór í gegnum ráðningarskrifstofu og mat hún umsóknir eftir hæfisskilyrðum í auglýsingu. Í tilvikum sem þessum skipuleggur ráðningarskrifstofan yfirleitt nokkur viðtöl á grundvelli umsókna í samráði við hlutaðeigandi yfirmann.
b. Í tvær stöður hefur verið ráðið í gegnum ráðningarstofur án auglýsinga. Í báðum tilvikum voru konur ráðnar.
3. Hefur á síðustu þremur árum verið ráðið í stöður á vegum ráðuneytisins sem ekki voru auglýstar? Ef svo er, um hvaða stöður er að ræða og hvort var kona eða karl ráðinn í umræddar stöður?
Ráðið hefur verið í sjö stöður án auglýsinga á síðustu þremur árum. Ráðnar voru tvær konur og fimm karlar, sbr. eftirfarandi:
a. Ein staða fellur undir tilflutning starfa milli embætta. Í því tilviki var kona ráðin í stöðu stjórnarráðsfulltrúa.
b. Tvær stöður bílstjóra. Um sömu stöðuna er að ræða sem í hefur verið ráðið tvisvar sinnum. Í báðum tilvikum voru karlar ráðnir.
c. Fjórar afleysingastöður. Um er að ræða eina afleysingastöðu lögfræðings og þrjár sumarafleysingastöður samtals á þessum þremur árum. Þrír karlar voru ráðnir og ein kona.
Til viðbótar framangreindum sjö stöðum hafa á síðustu þremur árum tveir lögfræðinemar verið í námsvist á vegum ráðuneytisins. Um er að ræða karla í báðum tilvikum.
4. Hvaða nefndir og ráð eru starfandi á vegum ráðuneytisins? Hve margir fulltrúar eru í hverri nefnd eða ráði, hvernig skiptast þeir eftir kynjum og hvenær voru þeir skipaðir?
Yfirlit yfir nefndir og ráð á vegum félagsmálaráðuneytis.
| Verkefnisnefndir | Fjöldi fulltrúa |
Karlar | Konur | Dags. skipunar |
| Verkefnisstjórn sem hefur yfirumsjón með undirbúningi að stofnun reynslusveitarfélaga | 5 | 4 | 1 | 29.7.1993 |
| Framkvæmdastjórn Ráðgjafarstofu um fjármál heimilanna | 6 | 4 | 2 | 22.5.2000 |
| Stjórn Lánatryggingasjóðs kvenna | 8 | 1 | 7 | 3.7.1997 |
| Nefnd til að kanna launamun verkakvenna og verkakarla | 3 | 1 | 2 | 4.6.1998 |
| Nefnd til að skipuleggja þverpólitískar aðgerðir til að bæta hlut kvenna í stjórnmálum | 7 | 7 | 28.9.1998 | |
| Nefnd til að fylgja eftir tillögum um félagsleg húsnæðismál sveitarfélaga | 8 | 8 | 7.12.2000 | |
| Nefnd vegna málefna langveikra barna | 11 | 3 | 8 | 29.1.2001 |
| Starfshópur til að yfirfara skýrslu „auðlindanefndar“ | 4 | 4 | 2.1.2001 | |
| Nefnd til að yfirfara verkaskiptingu ríkis og sveitarfélaga | 6 | 5 | 1 | 18.1.2001 |
| Nefnd til að yfirfara undanþágur frá fasteignaskatti | 4 | 4 | 2.1.2001 | |
| Starfshópur er geri úttekt á álagningu og innheimtu sveitarfélaga á þjónustugjöldum | 3 | 2 | 1 | 5.1.2001 |
| Nefnd til að endurskoða III. kafla laga um tekjustofna sveitarfélaga, nr. 4/1995 | 9 | 7 | 2 | 14.2.2001 |
| Stýrihópur til að fylgja eftir framkvæmd þingsályktunar um framkvæmdaáætlun til fjögurra ára til að ná fram jafnrétti kynjanna | 3 | 1 | 2 | 9.12.1998 |
| Samstarfsráð um meðferð barna og unglinga vegna vímuefnavanda, hegðunar- og geðraskana | 7 | 3 | 4 | 4.1.2000 |
| Starfshópur sem fjalla á um húsnæðismál á Vestfjörðum | 5 | 5 | 14.2.2000 | |
| Nefnd er kanni aðstæður erlends vinnuafls og útlendinga með dvalarleyfi hér á landi | 9 | 4 | 5 | 8.11.2000 |
| Verkefnisstjórn árs fatlaðra 2003 | 26 | 10 | 16 | 10.10.2001 |
| Framkvæmdanefnd árs fatlaðra 2003 | 4 | 2 | 2 | 10.10.2001 |
| Starfshópur um úttekt á vernduðum vinnustöðum | 3 | 3 | 27.4.2001 | |
|
Nefnd til að vinna að heildarendurskoðun laga nr. 161/1998, um húsnæðissamvinnufélög |
5 | 4 | 1 | 3.5.2001 |
| Nefnd um jafnréttisumsagnir vegna stjórnarfrumvarpa | 3 | 3 | ||
| Ráðgjafahópur vegna nýbúamiðstöðvar á Vestfjörðum | 5 | 3 | 2 | 12.9.2001 |
| Samtals fjöldi fulltrúa: | 144 | 78 | 66 | |
| Hlutfallsleg skipting: | 100% | 54% | 46% |
| Nefndir og ráð | Fjöldi fulltrúa |
Karlar | Konur | Dags. skipunar |
| Samráðsnefnd um stórslysavarnir í iðnaði | 7 | 6 | 1 | 21.2.2001 |
| Stjórn Greiningar- og ráðgjafarstofu ríkisins | 5 | 4 | 1 | 15.12.2001 |
| Starfsmenntaráð | 15 | 12 | 3 | 08.01.01 |
| Barnaverndarráð | 3 | 1 | 2 | 1.1.2001 |
| Stjórn vegna vinnueftirlits í landbúnaði | 5 | 4 | 1 | 1.1.2001 |
| Kærunefnd fjöleignarhúsamála | 7 | 5 | 2 | 15.2.2001 |
| Kærunefnd húsaleigumála | 7 | 4 | 3 | 15.2.2001 |
| Stjórn Vinnumálastofnunar | 14 | 9 | 5 | 1.7.2001 |
| Stjórn Atvinnuleysistryggingasjóðs | 18 | 12 | 6 | 1.7.2001 |
| Úrskurðarnefnd atvinnuleysisbóta | 6 | 3 | 3 | 1.7.2001 |
| Stjórn Tryggingasjóðs sjálfstætt starfandi einstaklinga | 10 | 4 | 6 | 1.7.1997 |
| Félagsdómur | 9 | 7 | 2 | 1.11.1998 |
| Ráðgjafarnefnd Jöfnunarsjóðs sveitarfélaga | 10 | 7 | 3 | 29.1.1999 |
| Svæðisráð svæðisvinnumiðlunar höfuðborgarsvæðisins | 18 | 9 | 9 | 1998 |
| Svæðisráð svæðisvinnumiðlunar Suðurnesja | 18 | 13 | 5 | 1998 |
| Svæðisráð svæðisvinnumiðlunar Vesturlands | 18 | 12 | 6 | 1998 |
| Svæðisráð svæðisvinnumiðlunar Vestfjarða | 18 | 13 | 5 | 1998 |
| Svæðisráð svæðisvinnumiðlunar Norðurlands vestra | 18 | 12 | 6 | 1998 |
| Svæðisráð svæðisvinnumiðlunar Norðurlands eystra | 18 | 13 | 5 | 1998 |
| Svæðisráð svæðisvinnumiðlunar Austurlands | 18 | 11 | 7 | 1998 |
| Svæðisráð svæðisvinnumiðlunar Suðurlands | 18 | 13 | 5 | 13.11.1998 |
| Svæðisráð um málefni fatlaðra, Reykjavík | 9 | 4 | 5 | 25.2.1999 |
| Svæðisráð um málefni fatlaðra, Reykjanesi | 11 | 5 | 6 | 11.2.1999 |
| Svæðisráð um málefni fatlaðra, Vesturlandi | 9 | 6 | 3 | 11.2.1999 |
| Svæðisráð um málefni fatlaðra, Vestfjörðum | 10 | 5 | 5 | 18.2.1999 |
| Svæðisráð um málefni fatlaðra, Norðurlandi vestra | 11 | 4 | 7 | 12.12.1999 |
| Svæðisráð um málefni fatlaðra, Norðurlandi eystra | 12 | 5 | 7 | 16.3.1999 |
| Svæðisráð um málefni fatlaðra, Austurlandi | 11 | 4 | 7 | 5.3.1999 |
| Svæðisráð um málefni fatlaðra, Suðurlandi | 12 | 7 | 5 | 12.2.1999 |
| Kærunefnd húsnæðismála | 6 | 3 | 3 | 1.2.1999 |
| Samráðsnefnd um framkvæmd laga og reglugerða um húsaleigubætur | 5 | 3 | 2 | 5.3.1998 |
| Eftirlitsnefnd með framkvæmd laga um frjálsan atvinnu- og búseturétt launafólks | 3 | 1 | 2 | 11.4.1998 |
| Kærunefnd jafnréttismála | 7 | 3 | 4 | 25.7.2000 |
| Stjórn Íbúðalánasjóðs | 10 | 7 | 3 | 28.12.1998 |
| Stjórn Bjargráðasjóðs | 10 | 8 | 2 | 7.12.1998 |
| Stjórnarnefnd málefna fatlaðra | 8 | 7 | 1 | 1.1.1999 |
| Prófnefnd leigumiðlunar | 4 | 3 | 1 | 17.3.2000 |
| Skólanefnd Félagsmálaskóla alþýðu | 8 | 3 | 5 | 1.6.1999 |
| Úrskurðarnefnd félagsþjónustu sveitarfélaga | 3 | 2 | 1 | 1.11.1999 |
| Úrskurðarnefnd fæðingar- og foreldraorlofsmála | 3 | 3 | 8.11.2000 | |
| Jafnréttisráð | 18 | 7 | 11 | 12.9.2000 |
| Prófnefnd eignaskiptayfirlýsinga | 4 | 3 | 1 | 11.4.2000 |
| Stjórn ábyrgðasjóðs launa | 6 | 5 | 1 | 7.9.2000 |
| Flóttamannaráð Íslands | 15 | 7 | 8 | 17.12.1999 |
| Fjölskylduráð | 7 | 2 | 5 | 21.1.1998 |
| Eftirlitsnefnd með fjármálum sveitarfélaga | 7 | 7 | 25.11.1998 | |
| Samstarfsnefnd um starfsemi Alþjóðavinnumálastofnunarinnar | 3 | 1 | 2 | 1993 |
| Samráðsnefnd til að fjalla um framkvæmd reglna á sviði félagsmála sem gilda á Evrópska efnahagssvæðinu | 12 | 7 | 5 | 1993 |
| Nefnd um hönnun bygginga með tilliti til aðgengis fatlaðra | 6 | 4 | 2 | 13.11.1991 |
| Reikningsskila- og upplýsinganefnd í samræmi við 18. gr. reglugerðar um bókhald og ársreikninga sveitarfélaga | 9 | 7 | 2 | 27.2.2001 |
| Stjórn Vinnueftirlits ríkisins | 17 | 13 | 4 | 1.1.2001 |
| Stjórn varasjóðs viðbótarlána | 10 | 8 | 2 | 1.2.1999 |
| Samtals fjöldi fulltrúa: | 526 | 325 | 201 | |
| Hlutfallsleg skipting: | 100% | 62% | 38% |
