Ferill 422. máls. Aðrar útgáfur af skjalinu: PDF - Word Perfect.

127. löggjafarþing 2001–2002.
Þskj. 765  —  422. mál.



Svar



utanríkisráðherra við fyrirspurn Þórunnar Sveinbjarnardóttur um framlög til þróunarmála.

     1.      Hver voru framlög íslenska ríkisins til þróunarmála, sem hlutfall af vergri þjóðarframleiðslu (VÞF), á árunum 1997–2001?
    Framlög íslenska ríkisins til þróunarmála sem hlutfall af VÞF á árunum 1997–2001 1 voru eftirfarandi:
Ár Millj. kr. % af VÞF
1997 509,6 0,10
1998 505,9 0,09
1999 566,3 0,09
2000 647,8 0,10
2001 889,2 0,12

     2.      Hver voru framlög íslenska ríkisins til tvíhliða þróunarverkefna á vegum Þróunarsamvinnustofnunar, sem hlutfall af VÞF, fyrir hvert þessara ára?
    Umsvif Þróunarsamvinnustofnunar Íslands hafa vaxið umtalsvert í kjölfar ákvörðunar ríkisstjórnarinnar að þrefalda fjárveitingar til stofnunarinnar á árabilinu 1998–2003. Framlögin fyrir umrætt tímabil voru eftirfarandi:
Ár Millj. kr. % af VÞF
1997 172,0 0,03
1998 177,0 0,03
1999 228,4 0,04
2000 298,6 0,04
2001 459,5 0,06
    Fyrir utan tvíhliða framlag í gegnum Þróunarsamvinnustofnun veitti íslenska ríkið tvíhliða aðstoð til Palestínu á árunum 1997 og 1998 og Bosníu og Hersegovínu árin 1997–2001. Samtals námu framlögin 141 millj. kr.

     3.      Hver voru framlög íslenska ríkisins til marghliða þróunarverkefna, sem hlutfall af VÞF, fyrir hvert þessara ára?
    Framlög íslenska ríkisins til marghliða þróunarverkefna á umræddu tímabili voru eftirfarandi:
Ár Millj. kr. % af VÞF
1997 276,0 0,05
1998 299,2 0,05
1999 306,2 0,05
2000 332,9 0,05
2001 428,0 0,06
     1 Allar tölur fyrir árið 2001 eru samkvæmt fjárlögum þar sem enn hefur ekki farið fram lokauppgjör á ríkisreikningi. Aðrar tölur eru samkvæmt ríkisreikningi.