Ferill 613. máls. Aðrar útgáfur af skjalinu: PDF - Word Perfect.
127. löggjafarþing 2001–2002.
Þskj. 1079 — 613. mál.
Svar
landbúnaðarráðherra við fyrirspurn Drífu Hjartardóttur um sauðfjárframleiðslu.
1. Hver var fjöldi ásettra líflamba hvert haust árin 1998–2001?
Líflömb 1998–2001.
| Ár | Fjöldi | |
| 1998 | 78.400 | |
| 1999 | 89.230 | |
| 2000 | 80.289 | |
| 2001 | 84.403 | * |
| * Tölur vantar úr Garðabæ, Reykjavík og Bessastaðahreppi. | ||
2. Hvaða fjármunum hefur ríkissjóður varið til leigu eða uppkaupa á búmarki, fullvirðisrétti og greiðslumarki í sauðfé á árunum 1990–94, árunum 1995–99 og árlega síðan?
Eftirfarandi tölur sýna fjármuni sem var ráðstafað úr ríkissjóði til uppkaupa. Fjárhæðir eru allar uppfærðar til verðlags í janúar 2002 með vísitölu neysluverðs í janúar 2002 frá ársmeðaltali vísitölu neysluverðs fyrir viðkomandi ár.
Fjármunir til uppkaupa, 1990–2002.
| Ár | Þús. kr. |
| 1990–94 | 3.210.363 |
| 1995–99 | 594.010 |
| 2000 | 8.715 |
| 2001 | 871.380 |
| 2002 | 166.658 |
| Alls á tímabilinu | 4.851.126 |
Fjárhæðir eru skráðar á því ári sem þær eru greiddar út. Greiðslur árin 2001 og 2002 eru vegna samninga sem gerðir voru seinni hluta árs 2000 og 2001 en komu til greiðslu í janúar árið eftir.
3. Liggja fyrir upplýsingar um heimaslátrun sauðfjárframleiðenda, m.a. um gærusölu bænda umfram gærusölu frá sláturleyfishöfum?
Gögnum hefur ekki verið safnað. Upplýsingar um heimanot bænda hafa byggst á meðalfallþunga og fjárfjölda hverju sinni.
