[prenta uppsett í dálka] 74. fundur, 128. lþ.
Halldór Blöndal (andsvar):
Herra forseti. Ég er alveg sammála hv. þm. um það að sú hugmynd sem liggur á bak við þjóðgarðana hér á landi er röng og stenst ekki og væri mjög glaður ef hv. þm. vildi standa með mér í því að leggja þá niður. Því auðvitað nær það ekki nokkurri átt að friðlandi úti um landið sé stjórnað héðan frá Reykjavík. Auðvitað á þetta að vera í höndum heimamanna.
En í annan stað gleymdi ég að segja að mér finnst hálfspaugilegt ef menn hugsa sér það ef fjölskylda á Akureyri vill nú aðeins fá að líta í kringum sig eigi hún að kaupa árskort á Mývatnssveit og Kelduhverfi. Það líst mér nú ekki á.
